نصيحه لا تعتمدون على البياعات هناك خاصه الشاميات فعلا فعلا ما يعرفن شي ويتفلسفن على الفاضي معاياه ما تتخيلونها كيف فيه منتج اكون مشتريه منه من قبل واروحلهم ويعايون لا ماشي هالماركه مافيها هالمنتج وعقب ما يدورن يحصلن ولا مره ابا فرشاة اساس مطلعتلي فرشاة بودره انه عادي هذي للاساس بالله هذيل شقايل ممكن تثقون في ذوقهم في الميك اب ولا حتى انهم يعرفون الكريمات
ياكثر ما اسيرلهم وما اخذ بشورهم بس اضحك على اسلوبهم يوم بيرمسون عن كريمات هم اصلا ما يعرفون عنها وانا اكون قاريه عنها قبل لا اروح تلاقينهم كريمات لسن الخمسينات يعطونها حق الي في الثلاثينات ولا العشرينات ولا ماسك اتقولج استخدميه جذيه صدق يضحكوني واقولهم كاش تراه غلط كل اللي تقولونه روحوا اقروا عن المنتجات اللي تبيعونها قبل لا تفشلون نفسكم بس من يقول ،،، لا هيك الطريأه هيك هي <<<< احقرهم سيده
فخلاصة تجربتي الكم انه قبل لا تروحون باريس غاليري ولا اريج ولا وجوه اعرفوا شو رايحين تشترون اقروا في مواقع الماركات نفسها وفيه بعضهم يسوولج اختبار للبشره اون لاين ويقولولج الكريمات اللي تحتاجينها ،،، سيري وخذيها ولا تلتفتين لهذربان الزلمات لانه جد ما يفهمن شي
ثاني شي يوم بتدخلين طبعا بيلحقنج وشوفي هادا ولا تشوفي هادا ،،،، طنشيهن واذا غثنج مول لا تستحين انج تطالعينهم وتقوليلهم اريد اشوف على راحتي واذا ابا شي بطلب المساعده <<< هذا يبين انج انسانه فاهمه مب ضحيه يتريون يقصون عليها او السموحه من الكلمه (هبله) بيستهبلونها ،،، ولا تستحين بالعكس هم اللي يستحون على اسلوبهم الهمجي يوم يلاحقون الزباين وما يخلونهم ياخذون راحتهم
اذا خلاص انتي سرتي وتبين حد يساعدج شوفيلج اجنبية او فلبينيه خلج من الشاميات واذا لزم و ماكان غيرهن حاولي تاخذين سامبلز من الكريمات قبل لا يورطونج وتشترينهم او اذا مافيه (كالعاده تكون السامبلز حقهم ) اكتبي اسامي الكريمات اللي تقترحها وسيري دوري عنها في النت وشوفي هل تناسبج او لا
ابا كل وحده تكون عندها خلفيه عن بشرتها واللي تحتاجه ولا تكون تحت رحمة هذيل البياعات
في واايد بناات يكوونون ضحيتهم ^ــــ^ الله يعيييين
.gif "12 (56)")
صحيـــــح كـــلامج ما يفهمن شو هن يبيعن بس عندهم اهم شي بيع البضاعه…….و إلا يوم يبغون يبيعون الكريمات مال سن 50 و فووووق…….ليش يحاولن يصرفن هالبضاعه لإنها معروفه كريمات التجاعيد هي الاغلى ثمن…….هن ما همهن بشرتج تدمر و إلا تعدل اهم شي عندهن يبيعن و خلاص….واشوف اليديد .. بس محل مثل باريس غاليري اتشوفينهن اللي يشتغلن اسلوبهن راقي يعني مدربينهن ومثل السلام
بس اريج اول ما ادخل يلتمن علي كلهن ( زياغ ) واقولهن اريد اشوف ويوم احتاج لمساعده بطلبكن ومع هذا يتمن وراي انا ما احب جيه .. وصرت احين امره ما اسير اريج ..