السلام عليكم ورحمة الله وبركاته
أبا اشاوركم يا خواتي واللي بترد علي بدعيلها من قلبي
بنتي عمرها 9 سنوات وكارهة عمرها بسبت شعرها كيرلي وايد خواتها وربيعاتها شعورهن ناعمة بس هي لا
دايما اتحس انها غير وتتمني ان شعرها يصير مثل خواتها
ما اعرف شو اسويلها خلطات زيوت وسويت
تمليس حق الاطفال مانفع لان اللي سوته لها في الصالون ما تعرف
ما اعرف شو اسويلها حتي ما تبغيني اقصه لها علشان ما يستوي قصير وينفش ويضحكون عليها
احيانا احس انها ما عندها ثقة في نفسها مع اني أحاول اسوي اي شي
أبا اشاوركم يا خواتي واللي بترد علي بدعيلها من قلبي
بنتي عمرها 9 سنوات وكارهة عمرها بسبت شعرها كيرلي وايد خواتها وربيعاتها شعورهن ناعمة بس هي لا
دايما اتحس انها غير وتتمني ان شعرها يصير مثل خواتها
ما اعرف شو اسويلها خلطات زيوت وسويت
تمليس حق الاطفال مانفع لان اللي سوته لها في الصالون ما تعرف
ما اعرف شو اسويلها حتي ما تبغيني اقصه لها علشان ما يستوي قصير وينفش ويضحكون عليها
احيانا احس انها ما عندها ثقة في نفسها مع اني أحاول اسوي اي شي
ساعدوني ما حد مر بها الحالة
بنتي غامضتني 😪
سويلها تسريحات حلوه وما يستوي الي شعرهم ناعم يسوونها
وفهميها هالشي انها مميزه عن غيرها والكيرلي الطبيعي بلاه يجنن الي شعرها ناعم تتمناه
لا تقصين شعرها الا اذا بترتبين اطرافه ولا تعرضينها لأي نوع من المواد الكيماويه الي في الصالونات بعدها طفله الله يرضى عليج
وان شاء الله بتقتنع خاصه اذا شافت بنات في المدرسه نفسها بس امهاتهم مهتمات بشعورهن
وبالتوفيق حبوبه
وفهميها هالشي انها مميزه عن غيرها والكيرلي الطبيعي بلاه يجنن الي شعرها ناعم تتمناه
لا تقصين شعرها الا اذا بترتبين اطرافه ولا تعرضينها لأي نوع من المواد الكيماويه الي في الصالونات بعدها طفله الله يرضى عليج
وان شاء الله بتقتنع خاصه اذا شافت بنات في المدرسه نفسها بس امهاتهم مهتمات بشعورهن
وبالتوفيق حبوبه
هلا اختي شوفي من تسبح لبسيها كاب الصوف ويكبس ويصير نام بدرجه مقبوله
عليكم السلام ورحمة الله وبركاته
الغاليه جيكي الخاص
الغاليه جيكي الخاص
موفقه
فـديتهـا
يمكـن اللـي حـوالينهـا وايـد يعلقـون علـى شعـرهـا مـن جـي اتحـس انهـا غيـر
والله مـا انصـحج بـاي شـي مـن هالكيمـاويـات
ومثـل مـا قـالـت اختـي بنـك تـري حـاولـي تـزيـديـن ثقتهـا فـي نفسهـا و تحسسينهـا انهـا مميـزة عنهـم
يمكـن اللـي حـوالينهـا وايـد يعلقـون علـى شعـرهـا مـن جـي اتحـس انهـا غيـر
والله مـا انصـحج بـاي شـي مـن هالكيمـاويـات
ومثـل مـا قـالـت اختـي بنـك تـري حـاولـي تـزيـديـن ثقتهـا فـي نفسهـا و تحسسينهـا انهـا مميـزة عنهـم
هههه بنتج نفس حالتي قبل كله يعلقون ع شعري الكيرلي اللي جنه ميريام فارس ومامرت سنوات الا الكل نافش شعرها ومنكشه قوليلها ماعليج منهم وانتي اهتمي بشعرها لان الشعر الكيرلي وايد نايس خصوصن ع اليهال وماتروح موضته مووول وسويلها تسريحات خفيفة وحلوة وخليها تكون واثقة من نفسها