طبعا يااخواتي الكريمات الموضوع منقول من احد المنتديات
وحبيت اني افيدكم بأي شي اقرأه واستفيد منه .
اولا من تستفيد من هالوصفه ……..وتعتمدها لتغطية الشيب
ابيها تدعي لبنتي بالشفاء …والله يحلل عقدة لسانها…ويشفيها شفاء تام عاجلا غير اجل ويريح قلبي ويهديني ويثبتني
ثانيا…
الصبغات تعبتني وانقهر كل ماحطيتها براسي من سنين…لانها تعدم الشعر
وبعض الاحيان اطنش الصبغه لان ابي شعري يرتاح من الصبغه
لكن الشكل ابيض واسود كوكتيل والنفسيه تصير زفت
المهم قبل فتره عرفت هالوصفه…..والله يجزاهم خير من دلوني عليها
وفعلا جربتها انا وامي صارت شعورنا سودااااااااا 100%
والله يابنات كنك صابغه صبغه كوليستون اسود
الشيب يصير اسوووووووووووووووووووووووووووو د
وقلت باي باي للصبغه
ويارب لك الحمد والشكر………….عالرغم كنت يائسه الاقي حل طبيعي…
الحين نجي للوصفه
اولا هي تعتمد على خطوتين……………….
ليش؟…………………لان اي صبغه طبيعيه ماتمسك بالشعر فلازم نحط قبلها اساس….
الوصفه:
((الاساس))1- تغلين كوجراتي (كركديه) مع ماء……الكميه قفشة بيدك ……..تغلينها بماء حسب الماء الي يعجن حنتك…
وبعد ما يغلي تقريبا نص ساعه…………….تصفين الكركديه………….وتاخذين فقط الماء
2- تحطي حنه بالكميه الي تبينها وحسب شعرك وتضعي عليها دم غزال ملعقتين او ثلاث….وتزيدين حسب مقدار حنتك …..وتعجنينه بماء مغلي الكرديه
وتخليه يتخمر ساعه او نص ساعه..
3- تحطينه بشعرك وكل ماطالت الفتره افضل اربع ساعات او اكثر بالنسبه لي انام فيه…..12 ساعه اخليه…
4- تغسلينه
كيذا انتهينا من وضع الاساس….حتى تمسك الصبغه
………………………… ………………………..
الحين بنصبغ ممكن بعد الخطوه الاولى على طول….بعد ما غسلتي شعرك
او مثلي انتظر يوم ارتاح فيه وثاني يوم اكمل الخطوه الثانيه…..
2-((الصبغه))
تجيبين كتم اربع او خمس ملاعق حسب احتياج شعرك طوله وكثره……..وتخلطينه بقليل ماء تقريبا فنجان قهوه ماء…….تخلطينه لين تروح الكلاكيع
ثم تضيفين عليه زبدية لبن زبادي وتعجنينه كويس………..تخليه مو جامد مثل اللبن الزبادي
وتخليه يتخمر ساعه تقريبا
ثم تضعينه بشعرك ثلاث ساعات اربع او اكثر افضل………….كل ماطالت المده افضل
تغسلينه…………..
وتمتعي بسواد شعرك من غير صبغات ولا هم………خاصة لو كنتي حامل مالك غير هالحل…
………………
ملاحظاتي: تكرار الكتم مع اللبن الزبادي………….بعدها بيومين ثلاث او حتى اسبوع يزيد السواد
2- كل ماكررتي الوصفه زاد السواد اكثر واكثر عالرغم النتيجه تظهر من اول مره
كل ماطالت الفتره بوضع الحنه الاساس او وضع الصبغه الي هي الكتم يعطي نتيجه افضل
خلي الحنه تتخمر ساعه او اكثر ايضا خلي الكتم مع اللبن يتخمر………..هالشي يعطي نتيجه افضل
وسبحااان الله الرسول عليه افضل الصلاه والسلام اوصانا لتغطيه الشيب
بالكتم فهوالعلاج الوحيد للشيب .
منقوووووووووووووووووووول
لـ حفظ الموضوع والإستفاده منه إستخدمى هذا الرابط :
لقيتلكم حل للشيب قسم بالله كأنه صبغه كلستون اللون البني الغامق الطبيعي %
https://forum.sedty.com/t492894.html و
المشاركة الأصلية كتبت بواسطة ام براق 
مشكووره فديتج ماا تقصرين حطيت هلخلطات للفايده أحب أجوف بعيني النتيجه قبل لاا أكتب أي شي عشاان يدعوولي مب يدعوون علي هههههه 