ساعدوني بترتيب وتنسيق صالة فخمة ؟!

السلام عليكم ورحمة الله ..

.
.

ما بطول عليكم وايد وبرمس وايد ..

بس بغيت أستشيركم نحن عدنا صالة

وايد كبيرة تقريبا ينفع نحطي داخلها 3 اطقم كراسي ..

يعني كل طقم ع صوب ..

بس المشكلة انا عطوني هالمهمة ..

والصالة لونها جي عنابي ( دم الغزال ) ..

والستاير ذهبية وديكور الصالة اللي فوق

بالخشبي والإظاءة ذهبية ..

كيف آخذ الأطقم الثلاث ؟ وكيف ارتبهم بشكل حلو ؟

وشو آخذ ألوان هالثلاث أطقم ؟!

للعلم ابا احطي كرسيين وبينهم طاوله ع الطرف صوب البلكونة

وهالصالة بتكون اللي بالدور الثاني ..

أفيدوني بالألوان وكيفية ترتيبها ..

.
.
.

والسموحة

لو تحطيين صوره اظن يكون احسن

الغلا الصالة مربعة ما فيها شي غير صبغ وستاير ..

يعني عادي انا ابا اضيف فيها ..

وساعدوني

نفس ما قلتي اشتري طقمين غير عن بعض بس فيهن من روح بعض يعني الالواان
مثلااا طقم بيج بالذهبي والطقم الثااني فيه من البيج بس الكوشونااات من الذهبي دم الغزااال والاخضر لااااااااااااااااااازم تكسرين اللون
واللون الاخضر رووووووعه مع الذهبي ودم الغزااااااااااااااااااااااااااااال
وان شاا الله فدتج ولاا تقصرين بالاكسسورااات
وفكره من عندي حطي بلااازماا علا اليدااار بس يكووون له فريم خشب شرااات السقف بيطلع وااااااااااااااااااااااااااو

موفقه

انا من راي ما اتحطين نفس الالوان …

اكسري بلون ثاني طقم اللي قريب من الستاير خلي لونه اخضر زيتوني فاتح مش الغامج

والطقم الثاني خليه بيج

والثالث بني فاتح

وهاي الالوان مع بعض

والكوشنات خليهم لون الاحمر او تدرجات اللون وحطي كوشنز من باقي الالوان الاخضر والبني والبيج

وانشاءالله افدتج والسموحة