والبنت المحترمة والمحتشمة فرصهن للزواج اقل مع انه لازم يكون العكس
لن في بعض الحالات العكس ….
يعني اللي تكون معروفة بالمغازل في الاسرة نفسها ومن شباب العايلة مستحيل ياخذونها وفي العكس للأسف
يعني ممكن ياخذها ويغيض فلان وعلان اللي غازلوها … للأسف وصلنا لهالمواصيل ..
الله يستر عليهم وعلينا
وماا اعتقد اذا عرفوا انها مغازلجيه حد يوافق عليهاااا
انا بقولج ليش … وبكل صراحه
1 البنت المحترمه ما تعرف كيف ترضي ريلها لكن البنت اللي مب محترمه تعرف كيف تقدر تلووت على الريال و ترضيه و اتخليها رضاه ما بعده رضا
2 البنت مب محترمه يشوفها كل حد و الحين في هالزمان البنت اللي ما تنشاف في السوق ولا العزايم اسمحيلي اقولج كانها عدم….
3 كل ريال ادور وحده تسويله قصة حب قبل الزواج عشان يتاكد منها …هل تناسبه ولا لا وهاي الموضه في هالزمن لانه كل زواج ما ايي بهاي الطريقه فاشل بنظر الريال بكل ما تحمل الكلمه من معنى ..
4 والحين عصر التطور ماشي حرام بو حرام ومن كثر ما انشوف هذا الدليل على كلامي …99 بالميه من الناس ايمانهم ضعيف …الله يعينا بس
5 البنت اللي مب محترمه ………تكوووووووون دااااااااااااااااهيه … محد يروم يجاريها حتى ريلها و تقدر اتخلي عمرها ام الشرف من بعد ما لعبت …حتى اهلها ولا حد يدريبها … واذا طلع الماضي ..مثلت دور ضحية القذف ..المحصنات الغافلات …
اصحن يا بنات تراه باجر يوم بتنحطن في القبر … محد لج شفيع الا عملج الصالح مب ذذنوبج القبيحه
اختج في الله
البنت اللي تتكلمون عنها أونها تغازل ومطلوبة للزوااج …زين منو اللي يطلبها ؟!!!
أكيـــد وااحد مثلها …وإلا في المشمش تلاقون واحد محترم راعي دين وآخلاق يرضى بوحدة أقل عنه أخلاقا ودين ….الطيور على أشكالها تقع …إلا اللهم من رحم ربي وتاااب توبة نصووحة فجزااها / جزاه الله بشخص محترم ووقاه شر أعماله
(الطيبون للطيبات والخبيثون للخبيثات )
سبحان الله !
ترا ممكن بالكلام هذا تنحرف بنت عشان بسسسسسسس تتزوج تدرون ولا لأ
المشاركة الأصلية كتبت بواسطة نــــوره 
ترا ممكن بالكلام هذا تنحرف بنت عشان بسسسسسسس تتزوج تدرون ولا لأ
انا معاج …انتو سالتو وانا جاوبت لا اكثر ولا اقل…
لكن في نتيجه الناس غافله عنها …. كل زواج يكون عن طريق حب …..
فااااااااااااااااششششششلللللللللللللللللل
عشان اوضح المعلومه للبنات …تراه الريال بعد فتره يصير عنده مرض الشك…و بعد الشك…مرض انه يبى يتزوج وحده محترمه …يعني لا اتعبن عماركن تراكن تغضبن ربكن …قبل كل شي فلا تتوقعن التوفيق
وعنديه من واقع الحياه …واللله كل اللي اعرفهم وماخذين عن حب
زواج فاشل