في شغلات كثيرة ممكن تساعدكم تسوون التوك … بس يبقى أهم شي هو حماسج وأفكارج و تنسيقج على ذوقج
عندج مثلاً وردة اليويو اللي شرحتها أختي مبدعة النت
وهذا تطبيقي الشخصي
قصي قطعة قماش لدائرة .. ( أنا سويت ثنتين عشان قباضة بسيطة )
خيطي على طرف الدائرة غرزة السراجة ( السراجة هي أبسط غرزة ، دخلي الابرة و طلعيها وامشي جيه لإخر الدائرة )
الحين شدي الخيط ، بتتجمع الأطراف فالنص .. اربطي نهاية الخيط وخلااااااص ^_^
هالثنتين
زينيها على كيفج ( عندي زهور صغيرة كأنها طبيعية ماخذتها من محلات الأثاث و الديكور )
وحطيتلها فالنص فصوص سوارفسكي
اذا حابة القباضة تكون أكبر .. حطي وردتين في كل صوب .. يعني من البداية قصي 4 دوائر ^_^
طيب كيف تسوين من هالوردة توك ^_^
قصي دائرة أصغر … على حجم السي دي .. وبيطلع لج جيه بعد شد الخيط
بمسدس الشمع حطيه على تك تك ولزقيه .. وفوقه كرستاله أو وردة كروشيه ..
أو نفس الوردة الصفرا بس بلون ثاني .. وردي مثلاً
نفس الورود اللي سويتها قبل بس وردتين بلون بني .. وفصوص صفرا .. وتحتهم سلسلة ذهبية
حبوبات حاولو تتعلمون الفيونكات .. لأنها أحلى شي فالتوك .. خاصة الفيونكة المخمل مع الفصوص جنااان
هني درس للتوك فاليوتيوب
https://www.youtube.com/watch?v=EUY_hVBikpI
واذا ما ظهر لكم ادخلو اليوتيوب واكتبو
DIY: Do It Yourself Bobby Pin Hair Bow
بتلاقونه وبتلاقيون جنبه دروس أكثر وأحلى >>> توني أتابعه ^__^
مب وعد بس ان شاء الله ان تيسر الوقت بشرح شغلات أكثر ..
شكلي بجرب وبسوي
تابعوني بالموضوع اليديد لمحبي القباضات