ياخواتي ساعدوني

انا عندي شغاله من اندنوسيا صار لها سنه نص صبرت عليها لاني ماابي اقطع رزقها هي مسلمه اصلي بس مشكلتها وصخه وااااايد ماتعرف اتنظف يبتها مش مشتغله علمتها بس مافي فايده انا تعبت منها يعني دايم اكركب الاغراض ماترتب الحمامات ماتنظفها عدل عسريع اذا ماقلتيلها نظفي الثلاجه ماتنظف اذا قلتلها رتبي الكبت اتسوي بس اذا قلت من نفسها ماتسوي ماعرف شو اسوي انا مشكلتي النظافه اريد كل شي يلمع نظيف بس هذي تعبتني انا احينه بنتقل لبيتي اليديد مااقدر اييب شغاله غيرها تعرفون النقل والاثاث صعبه اشوي بس هذي احس بتوصخ البيت البيت كبير شو اسوي هل اسفرها مابتعاقب انا اعرف انها محتاجه هل اصبر انا اريد ايب شغاله ثانيه انشالله بعدين عادي اذا يبت مسيحيه يعني افضلها علي المسلمه والله اني محتاره شو اسوي وخايفه من عقاب ربي

.
.

انزين تراها ماتنفذ شغلها بالتمام عادي تيبين غيرها بعد هيه المفروض
تخاف على رزقها ولازم تشتغل ..

يمكن لان البيت كبيره عليها مب قادره يمكن
لان هم ابيوتهم تكون صغيره اوريدي في بلادهم فينصدمون في بيت كبير
هم راح ينظفونه يوميا

انا حاليا بيتي اصغير شقه بس بنتقل بعد الامتحانات لبيت اكبير احينه ماتفيدني ماعرف باجر شو اسوي

انتي خليها لين تخلص السنتين عقب يبي وحده يديده هذا احسن حل
انتي قوليلها انج تحبين النظافه وقليلها تشتغل بدون ماتخبرينها فهميها انتي بالقوانين
وان شاء الله تتعدل
هي يمكن كبيره او عجوز فالسن عسب جي ماتقدر تشتغل
وربي يوفقج يارب

والله مسوتلها سالفه سفريها وخلاص دامها وصخه

اذا شقه وماتسوي شغلها عدل مالها حايه كيف بتظلمينها
وهيه ظالمه نفسها وماتسوي شغلها عدل
ليش تخافين على رزقها يوم انها مب خايفه عليه

وتراج عطيتيها مهلة وعلمتيها وحاولتي معاها
كيف بتكونين ظلمتيها

حاولي معاها وعطيها فرصه اخيره ماصارت حسب ماتبين
مب ملزومة فيها تراج بترجع بيت اهلها مابتروح السجن

صح أنزين