والله احس بالضياع

السلام عليكم ورحمة الله وبركاته

ماعرف كيف ابدا … وماعرف شو اقول ..

وايد ف بالي كلام والله … واتمنى بس اتمنى .. حد يفهمني .. حد يحس فيني ..

كتبت كم مره ف كم منتدى .. واحس نفس الشي .. بعدني احتضر .. بعدني احس بقلبي ينوووووووووح ..

ماعرف كيف ارجع مثل ما كنت .. ماعرف شو اللي مات فيني .. وخلاني جيه ..

والله محتاره .. والله تعبانه .. والله فيني حزن فيني ألم ..

خواتي …

كان لي حلم العمر والله ..

بنيت على هالانسان احلام واحلام .. ويا كم ندمت اللحين اني ما سيطرت على هالمشاعر قبل لا تذبحني اللحين ..

حبيته اكثر من نفسي .. ساعات اقول يمكن مراهقه ويمكن ان عمري عشرين بس بعدها مراهقه .. بس والله سنتين .. وكل يوم احسه يكبر فيني ..

كنت احبه بسريه .. ودايماً ادعي ربي يجمعنا على خير ..

واللحين هو سار .. خلاني وراح ..

ابي ادخل ف التفاصيل بس احس عمري عاجزه والله .. هو ماخدعني .. يعرف اني احبه .. وعرفت انه يحبني .. بس سار ..

مابي اتذكر شي .. صدق مابي اتذكر ..

مابي حد يقسى علي خواتي .. والله لوتعرفون كيف كل يوم تموت فيني اشيا واشيا واشيا ..

لو تعرفون كيف حزنت لمى دريت انه خلاص بيروح .. حتى ريولي ماشلتني ..

والله مرضت وتعبت .. من ست شهور وانا اصيح فرقاه .. والله كل ليله اموت ..

ابيه يرجع خواتي .. والله ابيه يرجع ..

حلمي ف هالدنيا هالانسان .. وساعات اقول عقاب يمكن .. ربي يعذبني بهالحب ..

ساعات اخاف .. اموت وانا جيه .. همي هالانسان .. والله حرام جيه .. حرام اللي انا يالسه اسويه ..

مابي احبه .. انساه اسابيع .. وفليل .. اختنق بدموعي .. والله ماحبيت غيره ..

ابي اعرف انه بخير .. والله بس ابي اعرف انه بخير ..

ادعولي ..

ادعو انه يرجع .. ان ربي يسهل الظروف وايسرها ..

ادعو ان ربي يحفظه ويوفقه ..

ادعو لي ارتاح بأي طريقة ..

خبروني شو اسوي .. والله احس بالضياع ..

اكتب وانا ماقدر اقاوم دموعي .. يارب هونها ..

حبيبتي هالدنيا فراق باجركلنا بنفارق الي نحبهم من اهل واخوان وازواج واحباب واصدقاء

يعني لاتتعبين نفسج لازم تخلين عندج روح الايمان بالقضاء والقدر

وتتغلبين على هالشعورصحيح اولالايام بتتعبين لكن سنه سنتين بترتاحين من هالوهم

وبتحسين ان ربي يريد لج الخيروكل شيءيصيرلج خير على المدى البعيد

بس مشكلتنا مانعرف الصبر ولو حبيتيه باجر بتعرسين وبتحبين ريلج بالحلال

والله يعوضج خيرلكن انسي واطلعي وادرسي وحاولي تغيرين الجو الي يذكرج فيه والله يساعدج

الله يهونها عليج حبيبتي .. بس لو وضحتي أكثر يمكن نقدر انفيدج .. ع العموم الخوات ما راح يقصرن .. والله أني لما أيأس من هالحياه ومن المصايب .. أقول الانسان عابر سبيل في هذه الدنيا..وأهونها بأن ربنا خلقنا لعبادته هذا الهدف من الحياه .. وراح انروح شرات ماراحوا أعز ناسنا وكأنهم حلم .. أنصحج بالإستغفار والدعاء والقرآن .. وذا اتحبين تقرين كتب إقري لعائض القرني .. اسم كتابه لاتحزن .. والسموحه..

ابا اعرف ليش سار عنج ؟؟؟؟؟؟؟؟؟؟؟؟؟؟؟؟؟
شسالفه ؟؟؟؟؟؟

الله يهونها عليج حبيبتي
الله كاتب هالشي
يمكن هالشي خير لج ماتعرفين
كل شي قسمه ونصيب

الله يعوض عليج بأحسن منه ……. أذكري الله
والأيام بتنسيج …. وأقري دايما القرأن وصلي
وادعي الله يعطيج الصبر والنسيان…. الله معاج

الله يهونها عليج