مشورتكم ويزاكم الله خير

الغاليات ريلى طلع له مرسوم بيت شعبى فى أبوظبى بس المشكلة طلع المرسوم مع أمه لان عايلتنا اصغيره (4 أفراد)
كنت اتريا ها الخبر على احر من الجمر لانى ساكنه بيت ايجار من 8 سنين على دوامى وكل ربيعاتى فى الدوام يستلمن بدل السكن كاش
من يوم ما عرفت الخبر وانا قلبى يعورنى لان البيت مش لى روحى وخوات ريلى مب هينات وفى النهاية بطلع انا الغريبة فى البيت وخسارة احط فيه فلس
عصبت عل ريلى وتناقشنا وايد وكلم أخوانه الكبار فجالوا البنات مل لهم حج فى البيت واقترحوا على ريلى يعطى امه فلوس او يعطيها الملاحق انا وافقت على الحلين
سؤالى البيت لما يطلع ينكتب باسم ريلى وامه وكيف نحوله باسمه
ونصايح لاقناع الام
للعلم كل اخوانه طلعت لهم مراسيم أراضى الا واحد طلع له بيت عايلته 6 افراد
يعنى محد له حج فى البيت
هل اقبل واخلى المسالة تمشى واتوكل على الله
ادعوا لى الله يهدى امه وتكتب البيت باسمه
أمه ساكنه فى امارة ثانية يعنى مش محتاجه وعندها هناك ورث ابوه (بيوت)

الغاليه البيت ما بيتسجل في البلديه بأسم ريلج حتى لو امه تنازلت عن حقها بس الحل انها تسوي بيع شراء بينها وبين ولدها اذا هي قنوعه وما تبغي نصيبها في البيت واذا ما اقبلت خليه يعوضها بفلوس وتسوي المبايعه عند كاتب العدل وانتي اخذيها بالطيب واللين واصبري عل وعسى ربج يرزقكم بالي احسن عن البيت .

كله ولا الأم وبالوالدين احسانا

الحمدلله محد مثلنا انل وريلى بار بوالديه مب محتاجين اتذكرينا والله شاهد
وايد تعبتى عمرج بالرد على مشوره ما اعتقد انج فهمتيها

ليش الواحد يزعل من كلمه الحق وانا ان نبهتج ما فيها شي هذي امه والبيت طلع باسم الاثنين يعني ما حبيته ايزعل امه عشان مزاهد الدنيا اتمنى انج فهمتي شو اقصد والانسان المفروض ما يزعل من كلمه الحق اذا ما كانت على حسب هواة…ووووووووووايد تعبتي عمرج بانج ترسليلي رساله خاصه ما يحتاج

الله يهدينا جميع

خبروا الوالده ان طلعلها مرسوم بيت

و اذا عندها بيت و مب محتايه للسكن

حطوها حقها يعني استفسروا عن جيمه البيت و حطوا الوالده نص جيمه البيت

و جذا ما راح تظلمونها

بس اذا اهي حابه تنتقل لبوظبي هذا شي ثاني

و السموحه