خواتي بقولكم عن شئ امر فيه وعطوني نصيحه شو اسوي وكيف اغير
لا تقولون لي طلعي من البيت لان انا اذا طلعت احس اني مستانسه شوي بس يوم ارجع البيت احس كل شئ رجع لي من ادخل البيت ما اعرف ليش
احس كله متضايقه وكله معصبه لدرجه اطول لساني ع اخواني وامي وابوي وما احس انه هالشئ حلو والحمد لله اصلي كل فروضي مع السنن واصلي القيام والشفع والوتر بس ما اعرف شو المشكله واقرا الاذكار والقران الحمد لله ما افارقه وع لساني دوم بسم الله واستغفر الله بس ما اعرف شو يجيسني وعندي صديقات ارمسهم يعني كل شئ متوفر لي بس الضيقه الي ف قلبي ومزاجي متعكر ما اعرف ليش
اتمنى حد يساعدني جد تعبت من هالحال
السلام عليكم ورحمة الله وبركاته
(( ألا بذكر الله تطمئن القلوب))
حبيبتي .. ذكري الله وحاولي تشغلين وقتج .. لأنّ هذا الشيطان يحاول يحسسج على الرغم من قيامج بهذه الطاعات يحاول يحسسج بالضيق.. اذكري الله دووم وأقنعي نفسج أنج مستانسة لأنّ كل شي متوفر لج.. وتحملي من الفراااغ لأنه مشكلة
وفي شي مهم وهو طاعة الوالدين وبرهم.. بتحسي برااحة كبيرة في رضاهم عنج
واقري على عمرج دوم
الله يسعدج ويوفقج ويهنيج
الله يدز لج ولد الحلال قولوو امممييييييين
صيحي لو فيج صياح
اقنعي نفسج انه مافي شي يستاهل ومافي شي يخليج جذه ولو في شي بعد قولي محد يستاهل
اقري البقره كم يوم
ادعي واستغفري واااااااااااااااااايد صدقيني هاي بتفيدج اكثر من اي شي ثاني وقت النوم
وقولي انا بخير وعندي كل شي ليش اخلي الشيطان يلعب بي
واتمنى تكونين بخير
المشاركة الأصلية كتبت بواسطة | غــلا | 
ياعمري تعووذي من ابليس وخلي عندك مسجله فيهاا كاسيت قران بصووت احد المشاايخ اللي تحبينهم
والله يفرج لك
رايي من راي الأخت والله يفرج ضيقتج ويوسع صدرج .. اللهم آآآآآآمييييييييين