ليش الإنسان ما يحس بقيمة القلب اللي وياه إلا لما يخسره؟؟

ليش الزوج مايحس بتقصيره صوب زوجته وحرمانه لها من الحب والحنان، إلا لما هي تاخذ جانب وتبتعد شوية، وتعامله بالمثل؟؟

هل من المفروض في فترة الملجة، الزوجة وايد تسأل على ريلها ولا تطنشه أحياناً؟ وخاصة إذا كان هو وايد مشغول عنها وما يسأل عنها إلا في القليل النادر..

شجايل المفروض البنية تتعامل مع ريلها في فترة الملجة، وخاصةً إنهم ماخذين بعض عن حب، ولكن قام يقلل إتصاله فيها وعذره إنه وايد وايد وايد مشغول! وهي وايد وايد وايد تحبه وماتصبر عنه!!

وينكم يا بنات

أختي الريال يحس ولازم تحسسينه بطريقة حلوه وبكلام مثل العسل مب طول الوقت لوم وعتاب وزعل
ترا الريال يمل من حرمه دومه زعلانه ومبوزه في ويهه
وعقب العرس تحمل وتيب بيبي تغشل وقتها ويالياهل
أنا ما أحب فترة الملجة أتطول وايد ( يعني سنة ) لان تصير فيها مشاكل وايده على كلام ريلي قبل الزواج ( شي لي ومب لي يعني حرمتي وما أقدر أخذ راحتي ويها إلا عقب العرس )
والريال لو طولت فترة الملجة يمل بسرعة
ساعات الريال يكون عند شغل بس ما يقدر يخبر حرمة ( يعني إذا كان في مكان حساس ) بس يكتفي بكلمة مشغول وايد
الله يهديج ويسعدج ويا ريلج

يقولون القط مايحب الا خناقه انتي قللي اتصالاتك وشوفي يمكن يشتاق هوويقوم يتصل وتنحل المشكله ان شاء الله

انا من رايي ما تتصلين فيه ابد وخله هو يبدأ ويتصل

واذا اتصل سلمي وشي قوليله مشغوله يالسه اشرى للعرس او في الصالون وسكري عسب يحس

واحسن شي ما تتصلين فيه وايد في فترة الملجه لانها فتره حساسه

والسموحه

والله انا اقول هذه الفتره الى بتعودين الريل على طريقتج فى الحياه وشو الى اتحبينه وشو الى ما اتحبينه انا عن نفسي هذه الفتره ساااعدتني انه يفهم شخصيتي يعني الشي الى ما يعجبني اتفاهم معاه واقوله بس انتي لا اتزودينها يعني مهما يكون هذه ريال واكيييييييييييد عنده مشاغله فى الدنيا يعني ما بكلمج 24 ساعه