بتزوجه حتى لو اهلي ما رضو محد قالهم يصيرون انانيين بصير انانيه انا بعد!

اول شي اكيد اخترعتو من هالعنوان وقلتو البنيه استخفت خل ندش ننصحها شفيها باعتها مره وحده…طبعا الحجي مو عني انا وان شاء الله الله لا ييت اليوم الي اقول فيه هالكلام بس وخطين تحت بس في وايد بنات يقولون هالكلام …

فرظا اختي يالي تبين واحد تحبينه واهلج مو راضيين تبين تتزوجينه ان طال الزمان ولا قصر اوكي حقج تتزوجين وتييبين يهال وتستقرين لكن على حساب منو؟ على حساب اهلج؟ الي ربوج وتعبو عليج ؟!

بتقولين اهلي مو زينين وياي ما يعاملوني عدل وانا ابي الفكه وبتزوج واهو يحبني … لا يا امي فكري وفتحي مخج عدل مدل

استخفت البنيه @@ بتروح تقول لابوها يباه انا ابيه هالريال احبه !! ( بنات لا تستغربون وايد الي يسوونها ) فكري بس فكري لو قلتي هالكلام بتطيحين من عين ابوج… بحس نفسه ماله كلمه شلون بنتي الي ربيتها توقف بويهي وتقول جذي… يمكن ابوج يحس ما منج رجى ويقول ميخالف خلها تتزوج والله لا يقولها بس المشاكل لازم تصير وتروحين تشتكين لاهلج وتبجين وامج ولا ابوج بكل برود يردون عليج (هذا الي انتي تبينه تحمليه..انتي صممتي عليه) ادري قلبج بيحترق وبتقولين ياليت سمعت كلام اهلي ولا اخذته.

يمكن لو رحتي وقلتي لابوج (يبا انا ابيه واحبه) لا تطولين لا عنب الشام ولا بلح اليمن بالعربي

رقم 1 ابوج عاند وحط براسه لو تموتين ما تاخذينه = بطيحين من عين ابوج طول الوقت وما راح يكون لج وي حتى تجابلينه يتتضايقين لانه رفض يوم ويومين وثلاث بس الريال عمره ما ينطرج بروح وبتزوج وبتتم نظره ابوج فيج البنيه الي وقفت بويهي وبكل وقاحه قالت *يباه انا ابيه*

شنو تسوى عليج؟ سويتي هالشي وقلتيه لابوج لا ابوج واقف وصورت تشوهت بعيونه والحبيب العاشق المتين راح وتزوج ما بينطرج طول عمره. بتتضايقين على شنو ولا شنو؟ على الي راح وتزوج ولا على ابوج الي وسبه واحد يمكن انتي تحبينه ولا يمكن اهو يبيج بس اهو بالنسبه لابوج بكون اللهم واحد خسرتي نظرج ابوج للأبد .

فكري عدل قبل لا تقولين هالكلام لابوج لا تفكرين باليوم وبس فكري ببعدين فكري ببوج ونظرته فيج… البنت اذا كانت صورتها بعيون ابوها صوره سنعه وعدله بتكون شخصيتها قويه والكل يحترمها بالبيت ليش؟ لانه ابوها يحبها ويحترمها ويضرب فيها المثل ولا في ريال بالدنيا يسوى انج تطيحين نفسج من عين ابوج وتوفقين جدامه ابوج دايم لج للأبد ابوج يحبج بالفطره لانه انتي بنته اي شي يضايج يضايقه بس هالزوج او هالريال الي خاطبج الله يعلم بيي يوم وبتزوج عليج ولا يطلقج ولا يتركج

نصيحه من قلبي حق كل بنيه تفكر تقول هالكلام لابوها

على كلا مشكورة على الموضوع
الحمد الله نحن عادي تقول البنت لابوها انا اريد هاد الرجل لانه يحبني
وان قالت لأبوها هيك لن تسقط من عينه لانه من حقها تختار
انا حبيت وحبيبي طلبني وابي كان معترض لانه من محافظة غير محافظتي تبعد 3 ساعات
ولكن قلت لاخي اني احبه واخي قال لابي
ولا سقطت من عين احد من اهلي وصار العرس وتزوجت وعندي اولاد ومبسوطة مع زوجي
يعني عادي نحن بسوريا البنت تختار لي تريده
صحيح في مناطق متشددة بسوريا حسب العادات وحسب التقاليد وحسب الأهل
بس انا اهلي لا يجبروني على شيء لا اريده ولا عيب اقول لابي اني اريد هذا الرجل بس اخجل طبعا او وقار له وانما اقول لامي او اخي يخبروه افضل و كل مجتمع او بلد تختلف عن الأخرة

لا تفكروا اني غير مسلمة لا انا والحمد الله مسلمة
بس عندي قتاعة متل من حق الأب البنت تحترمه وتقدره وتحترم رايه وتكون مطيعة لهم ومن الحق البنت او الأبن يختار من يكون شريك لحياته يكمل معه المشوار الحياة
واصلا كل اب ام ام تحب ولدها او ابنتهم لازم لا تسمح للعادات والتقاليد تكون سبب بتعاسة اولادهم
وان لا يكون الأب اناني او الأم من اجل فرض السيطرة او التحكم باولادهم
يكونوا سبب بتعاستهم
لماذا الأب او الأم لا يقدرون مشاعر اولادهم او من حقهم يختاروا من يريد يكون شريك له بالحياة
سمعت عن فتيات كتير كان الأهل السبب بتعاستهم برفض الأهل من يحبوا
هل ان عاشت البنت او الولد معذب لفقدان من يحب يسعد الأهل
وعذرا لأطالتي بس اردت توضيح انه في كتير شياب وبنات تعساء من وراء الأهل وحب السيطرة وفرض الراي ولازم الأب يكون صديق لولده يفهموا ويراعيه ويحاول يسعده ويتقبل رايه ولا يعتبره رايه تحدي وانما حرية راي ومن حقه يختار شريكة حياته والأم تكون صديقة لبنتها تفهمها وتعرف شو بيفرحها ويتعسها ومن حقها تختار من تحب
وشكرا