خواتي بقول الكم شو سالفتي انا دورت المشكله بالقسم ما حصلتها
قلت يمكن انا بروحي امر بهالمشكله طبعا عندي 4 مشاكل خفاف على قلبكم ان شاء الله
المهم لحد يضحك علي و لا يقول انا مب رومانسيه تراني متزوجه و عندي نونو صغيرون فديته ربي يحفظه
المشكله الأولى :
الحمد لله اعيش مع زوجي بسعاده بس عصبيته زايده عن اللزوم
فماادري شو الحل فيها ؟ مع العلم هويعرف انه يعصب بسرعه لانه بعد العصبيه
يرجع لي و يراضيني ….!! لكني تعبت من السالفه على اتفه الاسباب معصب مليت
و مشكلتي الثانيه :
انا احيانا اسوي له حركات رومانسيه بالحجره تعرفون انتوا شو اقصد !!
بس اسويها بقله لاني استحي قبل لا اسوي الشي افكر مليون مره كيف ابدي وياه هالشي
و ابا الجرأه عشان اسوي له حركات يوم ايي من برع و يدخل الحجره و من هالسوالف
انا ماعندي جراه و استحي منه وااااااااااايد ماادري ليش !!
هو وايد يحب هالاشياء و يستانس يوم اسويها بس مااعرف ليش استحي هل فيه وحده مثلي ؟؟؟؟؟؟
و بنفس الوقت احيانا استحي اقوله كلمات حب و هذا اللي قاهرني و هو فديته مب مقصر
كل كلمات الحب قاللي اياها قولوا ماشاء الله
المشكله الثالثه :
أبا اكون نيولوك بس مب عارفه كيف !!
انا البس و اكشخ بس احس ناقصني شي خاصة بشعري انا شعري طويل فوق الركبه بشوي
قولوا ماشاء الله …. الصراحه من طولة مااعرف اسوي به حركات !!
شو الحل ؟؟؟؟
المشكله الرابعه و الأخيره :
كيف اخلي ريلي يغار علي وااااااااااايد !!
هو يغار بس احيانا مثلا اذا كانت السالفه فيها اولاد عمي او خالي
و من هالسوالف
لكن انا ما ابا هالشي انا اباه يغار على اشياء ثانيه حلوة يعني امور الحياه عامة
بقول الكم شو صار امس : قلت له انته ما تغار علي
قال لي : ليش اغار انتي بين ايديني و انا ضامن محد يقدر ياخذج مني
جان انقهرررررررررررر انا مب هذا قصدي و قلت له اباك تغار علي فلبسي بطلعتي و هالسوالف… جان يعصب و يقول لي تبيني احرمج من العالم الخارجي حاضرين و الا قفلي الموضوع افففففففف
ادري السالفه عاديه بنظركم شوي بس ابا استانس بغيرته الحلوه ………و الا شو رايكم ؟
ماادري هل فهمتوني او لا ؟
الله يهنيكم حبيبيتي ……
بس بالنسبه لشعرج سويه كيرلي فاالصالون واايد حلوو بيطلع صدق تغييييييييييييييييير
خاصة لو كان ناعم الكيرلي بيغير شكلج
طبيعه ريلج هذا من يومه وماتقدرين اتغيرينه بس اللهم انج ماتعصبينه وحاولي انج اتهدينه بنفس الوقت ولاتناقشينه بموضووع بنفس الوقت اسكتي عنه لين يهدأ عقب رمسيه بالهداوه
واخر شي اقولج ادعيله الله يصلحه ويهديه
ومن ناحية المستحى هذي طبيعة المرأه بس حاولي بينج وبين ريلج اتشلين هالحاجز لانه مايعطي ريلج الاحساس انج تبينه وبهذا ممكن يسبب توتر بينكم او ريلج بيحس عمره منبوذ من صوبج
انتي لاتفكرين فيها سوي الي بخاطرج من حركات وسوالف لاتفكرين قولي الكلام الحلو وبتتعودين على الكلام انتي اكيد تحبينه ويستاهل ينقال له هالكلام وفكري فيها هو دوومه يقولج ويدلعج لانه يحبج فانتي عودي نفسج لاتحرمين ريلج لانه يستاهل وحلي ايامج وخلي الشووق مابينكم دوووم
والله لايفرقكم ان شاءالله
ومن ناحية شعرج لو عادي عندج او ريلج بيخليج اتقصينه لو مدرج يعطيه حركه ومنها اتجددين شعرج ولو بتصبغينه بس حرام الصبغ يخرب الشعر واذا تصبغين ماانصحج بالاشقر
وحاولي مره ترفعينه وتنزلين منها خصل او تعقصينه وتحطين توك حلوه صغيره
وبخصوص الغيره الصراحه بقولج ابعد عن الشر وغنيلو اخير لج وشفتي شو قالج تبيني امنعج عن العالم الخارجي انتي بتهدمين حياتج بايدج اكييد هو يغار علييج وهذا طبيعة الريال بس الحمدلله ريلج مب من النوع الشكاك حمدي ربج في وايد حريم يعانون من الشك وحياتهم جحيم ووايداات تطلقوا بسبة الشك والغيره
اسمحيلي على الاطاله
الله يوفقكم ويسعدكم ويحفظكم من كل شر
