الموضوع من زمان في بالي .. و من زمان وأنا افكر فيه .. وأخيرا قلت برمس عنه ..
يا جماعة الخير نحن من قبل 4 سنين تقريبا و نحن نطنز ونضحك على اللبنانيات( مع احترامي لهن ) على عمليات التجميل .. ونقول هذيل جمالهن بس من هالعمليات .. وبعدين مرت السنين و حطينا نظرنا على دولة من دول الخليج الي بدت موضة عمليات التجميل تزدهر هناك .. والحين ستوت 2024 و يا و الدور علينا .. صدق انه من عاب ابتلى ..
اجوف بنات في عمر الزهور مسويات عمليات.. الي في خشمها ولا الي حلجها و نافخة خدودها .. يعني هاييل كانن جادات .. ووين اهاليهن عنهم ؟؟
من يومين كنت في عرس .. الا اجوف لج نص الحريم مسويات عمليات نفخ و خشم ودنيا .. شو صار في الدنيا خبرووني ؟؟؟؟ ليش بدينا نتجه لعمليات التجميل ؟؟ نحن كان ينضرب في جمالنا الاماراتي النادر و الخالص .. والحين ستوينا احس .. ونسخة مشوهه بعد ..
هاي مشكلة اجتماعيه خطيرة لازم انحلها .. لا تنسون انه يالسين نلعب في هيئة الخالق .. اجسامنا يا جماعة الخير أمانة ولازم نحافظ عليها .. لا تلعبون فيها ..
يا بنات شاركوني الراي وخبروني شو رايكم في الموضوع ؟؟ هل انتي مع او ضد عمليات التجميل ؟
غدن من البوتكس في اليبهه والحواجب مرفوعه جنهن بقر وشايفات حريجه …….!!!!!!
والله انهن غدن غش وما فيهن رونق ابدا ابدا ابدا ….
جنهن بقر وشايفات حريجه
الله المستعان …خوفي يسون شرات البراطم مال المسلسلات هالايام …اللي يشوف يفج حلجه …عنبوها ما شافت شكلها قبل لا تمثل !!!
الله يستر علينا وعلى بنات المسلمين
تحيتي 
نحن في كم وحده من اهلنا مسويه عملية تجميل
وحده عيب خلقي
والثانيه تبا تتشبب !
لا ويوم تقولين للها انتي مسويه عمليات تجميل تحشر الدنيا وتزعل وتعصب !
انا ويا عمليات التجميل اذا في عيب خلقي او تشوه
اما بس جيه ضد هالشي وبالقو بعد
ماشي شغله اشقق بويهي
الحمدلله على نعمه العقل
ومثل مايقول المثل اصحاب العقول في راحه
والله حرام يغيرون من خلقة ربهم
هذا انا ما اسميها الا عدم الثقه في النفس وقلة الوازع الديني
لكني مع عمليات التجميل في حاله وحده بس
مثلاً اذا كان الشخص مشوه او متعرض لحادث
لكن هللي نشوفه الصرااحه ما اسميها عمليات تجميل هذي تشويه وتقبيح خخخخ
اللي نافخه براطمهه وصايره ناااقه .. واللي منفخه خدودهه واللي شافطه ويهه ههههه
ما اقول غير الله يهديهم …