شحالكم ^_^
بنات بخبركم سالفه أنا تعبت من التفكير فيها
في يوم من الايام يتني اختي من ابويه واصغر عني بسنتين وقالت تعرفين قوم فلانه يرمسون عنج عند ربيعاتي
قلت لها كيف وليش شو يقولون؟!!
قالت فلانه (أختهم الصغيره اللي كبر اختي عمرها 18 ) سمعت أختها اللي كبري ومعايه فالجامعه
ترمس عني عند خواتها وتقول انا اروح الجامعه بالعباه وتحتها أندر وير وبس>> تخيلن بنات والله ماسويتها وأكرم عليه اسويها
وقالت اوقف جدام الأساتذه مطلعه صدري وكل شعري خاري واسويلهم حركات>> يعلني الموت لو سويتها
شوهن سمعتي الله يهديهن
ويليتها يت على جذي وبس لا أختهم الصغيره ربيعت اختي سابقا نشرت الرمسه بين ربيعات اختي وشي منهن يعرفني اتصلن على اختي وسألنها وقالن نحن نعرفها اختج ماتسوي هالشي
تعرفن شسويت عقبها اتصلت عليهن وهزبتهن هزاب وهن يحلفن انه ماسون شي
عقب يلست اسحبهن بالكلام لين اعترفن وابوهن شافهن محتشرات ويتنازعن
وفهم من كلامهن انه انا متهمه بناته انهن يرمسن عني بالشين>> طبعا مب مصدقني
وحلف عليهن مايخطن الجامعه وقالهن فضحتني فالريال >> يقصد أبويه
أنا رحمتهم وخليت اختي ترمس ابوهن وجذبنا عليه وقلنا له نحن نسولف ونمزح ماصار شي بينا
المهم تمن حاشراتني يومين يدقن لي من الساعه 5 العصر لين 12 بالليل وبالباجر من الساعه 9 الصباح لين المغرب
احتشرن اونه نحن ماسوينا شي ومادري شو وانتي خلي البنات اللي قالن لج الرمسه يواجهنا
أختي مخبرتني ومنو مخبر اختي ربيعاتها وأنا ما أقدر اخلي ربيعات اختي يواجهنهن مابا اسوي مشاكل لربيعاتها
عقب قالن ابويه ياينكم ألحين وبيحلفج على مصحف قلت لهن حياه الله وانا بحلف عادي بس انتن حلفن وسكرت عنهن
ونزلت أصيح من القهر أكررره الجذابين وادور ابويه
ماقدرت ارمسه بالسالفه ويهي عورني من الفشله واختي فهمته كل شي وعصب ونازعني
قال مشي دموعج يلا وانا براويهم انتي بنتي وانا اعرف تربيتي
عقب اتصلن وقلنا لهن يلا وينكم قالن أونه منو قالكم انه ابويه بييكم !!>> من الصباح يجذبن علينا
المهم قلت حق ابويه سكر السالفه خلاص
قالي وسمعتج عادي عندج؟ قلت له ابويه بيحرمونهن من الجامعه وبتستوي لهن مشاكل خلهن برايهن ربي فوق…قالي على راحتج
عقب ردن ونبشن السالفه جان اتضيج وقلت لأبويه اتفاهم مع الرياييل انا طفرت منهن
اتصل على اخوهم الكبير (ربيع ابويه) وخبره كل شي وقال اخوهن فالك طيب بس ابويه فهمه انه مايضربهن ولايحرمهن من الجامعه
بعد خمس دقايق اتصل اخوهن ومب عايبنه اونه انا أجذب وخواته مايسون جي
عقبها بيوم دقن حق ابويه.. تتخيلون !!وانا وعمتيه كنا معاه فالسياره وجذبن عليه أونه اللي ترمس ابويه هي اللي كبري وأصلا اللي كانت ترمس ابويه اختهم الكبيره
وعمتيه(ربيعت امهم) امبونه مب مصدقه فيهن لكن يوم سمعت كل الكلام وعرفت الصوت صدقتني وتأكدت انهن يجذبن
يوم دقن لأبويه قالن له خل بنتك تييب اللي منقلنها الكلام ونحن بنواجها
قالهن اوكي وسكرن
بعد خمس دقايق ردن اتصلن وقالن عمي مانبا نتواجه المواجهه تزيد المشاكل
ونحن آسفين >>ومن هالخريط
المهم ابويه قالي خلاص تقطعين علاقتج فيهن
تعرفون شو المصيبه أنهن نشرن الرمسه بين خوانهم وانا ولا واحد من خواني يدري لأنه كلامهن ماينقال لرياييل يفشل والله
المهم مرن شهور واتذكرتهن وقلت بعتذر لهن عن اللي صار اخاف اموت وحد شايل بقلبه عليه ويلست متلومه وقلت يمكن اختي مافهمت الكلام صح
يمكن ربيعات اختي ماسمعن صح يلست احط اعذار
مادري والله متلومه أدري جذبن عليه لكن ما أداني حد يشل بقلبه عليه أخاف اموت والناس مب مسامحتني
بنات انا محتاره شسوي؟!!
أنا غلط فيهن؟!!
غلط بتصرفي يوم دافعت عن عمري؟!!
شو الغلط اللي سويته ؟
ليش رمسن عني ؟
معقوله في بنات يسون جذه بربيعاتهن؟
اللي يسوي جذه ما يستحي على ويهه الصراحه
اختي انتي دافعتي عن عمرج,,
ولج الحق طبعاً
دامج رمستيهن ومايابت فيهن الرمسه,, هن الخسرانات يعني بييلهن يوم و بعتذرن منج
خليهن عنج و سويلهن طاف وماعليج من حد دامج واثقه من عمرج و هلج واثقين فيج…
و الله ما يضرب بعصا,,
صراحه عصبتيني
( إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَ الآخِرَةِ وَ لَهُمْ عَذَابٌ عَظِيمٌ )( النور : 23)
عيل لي سويتي ها اليوله من الاول؟
معناته بثبتين عليج التهمه واللي كانوا يقولونه عنج صح وحتى اخوانهم بيقولون صح ما دام اعتذرت معناته الرمسه كانت صح.