الزوج الصامت ماذا تفعلين معه ؟

شتسوي الوحدة فينا إذا كان زوجها لا يحب الحديث مع زوجته
و تجدينه متحدث ، و يحب الغشمرة مع ربعة في الديوانية
أو في العمل ، أما في البيت فإنه يميل إلى الصمت .
الصمت قاتل .
و انتوا عارفين اشلون احنا انحب السوالف .
فما نصيحتكم لحل تلك المشكلة ؟

انا من رايي شوفي المواضيع اللي تجذبه وسولفي وياه عنها وهو راح يتفاعل وياج ان شاءالله

أبوي جذي أمي اتسولف وتضحك واتعبر واتصيح واتصارخ ..بس بابا مبتسم او امعصب حسب كلام امي ..ما يتكلم ابد
صم بكم عمي فديت ابوي انا…
واللي اعرفه اكثر الريايل جذي…ومن زمااااان سمعت حرمة تتكلم اتقول الريال اللي ما يتكلم مولية…لمسي ايده والعبي ابشعره وقولي له كلام اي كلام اللي في خاطرج…مب شرط شي عاطفي …سالفة اي شي …على طول بيعطي وياخذ وياج…يعني بالمس يستجيب…والله اعلم وانتي ادرا بريلج

حلوه ها الطريقه جربيها يمكن تنفع ولا تفكرين وايد شو بقول وكيف ببدا جربي اول مره ما نفع جربي مره مرتين عشر واخر شي ان شاء الله يهديه ولا تنسين تحطين له فواكهه شاي وتقطعين وتطعمينه

طلعي من القوقل مضار الصمت في العلاقه الزوجيه وطبعيهم له وقدميهن مثلا في ظرف حلو

اغدي بلمه شراته……….. وعقب فتره شوفي كيف بيتحركص وبيموت علشان اتكلمينه ويبغي يعرف انتي ليش ساكته وهاديه …………..

وانا عيبتني هالحركة….

اهديه شريط خالي..عشان يسمع
وان قالج الشريط خالي مافيه شي

عاد انتي وشطارتج..كيف تجاوبينه وتاخذين وتعطين

او اشتري كم مسباح للاذكار ملونه وكل لون حق ذكر معين
واشتري كتاب نكت خليه يقرا لج كم نكته غيري معاه طريقه

امدحي صوته اي شيء يجذبه