مشكلتي عوده

بنات اشحالكم؟؟؟
انا عندي مشكله ومضايجه منها بنات انا اصلي كل الصلوات والنوافل وادعي واذكر الله واسبح بس اني يوم ادعي ابى ادعي من خاطري واصيح ماتيني صيحه مول والله اني خايفه ابى اخشع فالدعاء مول مب قادره انصحوني شو اسوي اخاف الله مايتقبل دعائي وصلاتي

مممممممممممممممممم
اتعرفين انا احيانا يصير فينى جذى بس
بس احيانا تنزل الدموع منى اذا متضايقه

لا تحاتين غلاى الله عارف بنيتك وقلبك وبعدين اهم شي انج قريبه من رب العالمين وبعدين اا اعرف ناس حتى بالعزى اعوذ بالله حتى معه ماتزعل من عينوهم ولاشى

فحياتى لا تحاتين رب العالمين عالم بلى داخلك والله يحفظج ويبعد عنج كل سوء ويسهلج كل امورج

ريحتيني الغاليه والله يسمع منج ومشكوره فديتج

حبيبتي يعني الله ما بيتقبل دعاء حد الا اذا كان يصيح ؟؟؟؟؟؟

لا حبوبه اهم شي نيتج انها صافيه وانج تدعين من قلبج وان شالله الله يتقبل منج

.
.
.

يعني انتي الحين متضايقه علشان ماتصيحين …!
مب كل من صاح سميتيه خاشع …!
مايخصه الخشوع فالقلب في النيه
مب فالدوع ….؟
اذكري الله اختي ^^:"

وربي يسعدج ان شاءالله

.
.
.

حاولي واتباكي لله والخلوة صدقيني بتقدرين وادعي اللهم انا نعوذ بك من عين لا تدمع

انا عكسج من اقرا آيه اتم افكر فيها واتأمل واتيني وايد مشاعر مختلفه واصيح
اول شي اتعوذي من الشيطان وصلي على سيدنا محمد 10 مرات
وعقب ادعي او اقري آيه واتأملي فيها
وان شاء الله توصلين لشي اللي تبينه