بدش بالموضوع بدون لف ولا دوران
أنا احب اطلع على هالقسم دوم
لكن أغلبية البنات اللي يكتبون مشاكلهم تخص احيانا عن خوات الريل
شو فيهم خوات الريل
الكل يخاف من خوات الريل
بالعكس في خوات الريل ولا في أحسن منهم
انا عندي اخوي الكبير تزوج بشهر 6 اللي طاف
تعرفون ان خوات حرمة اخوي وكل اللي يعرفها من صديقات وعمات وخالات
الكل حاسدينها
يقولولها حمياتج((خوات ريلج)) ما في منهم
اول شي خوات الريل مب كلهم نفس الشي
يعني اللي بتكتب عن خوات ريلها تخص خواتها
لأني لقيت موضوع وحدة كاتبة فية عن أخت ريلها معصبة منها
وبالأخر كاتبة ليش خوات الريل يسون جذي
الحمدالله احنا بالبيت تربينا نعامل الناس بحترام
حتى ولو عاملونا غلط نعامل باحترام
ما تعلمنا نجرح بأحد أو نسيئ لأحد
عندنا اسلوب راقي
مع ان حرمة اخوي لها بيت وحدة
مأثث كامل
لكن خلال ها الفترة ما تقدر تبعد عنا
تقول لأخوي يبني لها ملحق عندنا
وأخوي مستغرب يوقلها اللحريم يوم يزوجون يبون بيت وحدهم وفي منهم ما يقعدون عند خوات ريلهم سواء أوكي أو لا (( بس الناس خذتها موضة أن خوات الريل دومهم غلط))
رجاءااا لا أحد يعمم
الحمدالله اللهم لا حسد ماشاءالله حرمة اخوي شالتنها بعيوني
غداهم انا اسوية والكلمة الطيبة دوم تسبقني
يوم يون بيتنا
لو الورد عدالي لفرشته لهم
يوم نقعد ع العشى اللقمة اللي احطيها بحلجي
أخليها لها هي واخوي
ودوم فديتها اسئلها لو تريد شي
خاطرها بشي
يوم اسير ادرس اتصل يمكن خاطرها بشي حتى عندي ربيعة متزوجة تحسدني عليها تقولي ياليتج أخت ريلي
مب كل خوات الريل واحد
كل واحد ع حسب تربيتة بالبيت
حتى انها تتضايق يوم ندلعها
اللي يحترم نفسة بحترم الغير
وفي بنات يتفلسفون وبعدهم ما عرسوا وقالوا خوات الريل
لازم الواحد يكون عنده منطق بالكلام والتفهام
بس أريد أعرف ليش خوات الريل دوم مغصصين فيكم؟؟ شو السبب ؟؟؟
أكي في اسباب وانتوا اللي لهم مشاكل مع خوات الريل تحلونها؟؟؟
لأن خوات الريل يختلفون من بيت لبيت ومن مكان لمكان ومن إمارة لإمارة
والله يهدي الجميع
ولا حد يشل من كلامي فضفضة وبس وبدون زعل يا خواتي
انا عن نفسي حريم اخواني بتكون معزتهن من معزت اخواني واكثر بعــــــد …
والي بتحترم البيت الي هيه عايشه فيه والناس الي فيه والله بيحطونها في عيووونهم ..
بس بعد في حريم صدق معاملتهن مب اوكيه ويا اهل الريل عشان جذي تصير مشاكل …
المشاركة الأصلية كتبت بواسطة أمورة كل حد 
نجدم زوجة اخوي قبلنا في كل شي الحمدلله والله لا يغير علينا علاقتنا أكثر من رووووعة
مرة يتنا زعلانه والله شاهد علي قومنا الدنيا ع راس اخوي ولا واحد فينا كان وياه وقلنا له حتى لو هي غلطانه تراها بنت عرب وما رحنا دبي وخذناها عسب تتبهدل وياك ومن يومها يراعيها لنه يعرف محد بيوافقه اذا تعبهااا
لا تتضايقين فديتج ودام الواحد رايته جدام ربه بيضا وجدام الناس فالحمدلله
تقديري لج
ونحن اخوواني الاثنين بيعرسوون بعد كم شهر …
وتخيلي نحن ابتلشنا بوحده منها تطلب وتسمع رمسة امها ..
ووصلتنا رمسه بس سكتنا ..
وعلى فكره العرس من الالف والياااء هم اللي اهتمووا فييه
ترا هم محتشرييين ومسوووويين سالفه على هالمشكله …. يبووون يتصرفووون في العرس ..
خلاص عندهم العرس يسوووون اللي يبوووونه …
وصارت وايد امووور ونحن سكتنا …
صح انه شووي الموقف سلبي ..
بس نشوووف اخووانا مستخفيين على حريمهم وراضيين بقرارتهن … فنحن ما نااااخذ موووقف سلبي ولا ايجابي نكووون دايما محايديين
والله يهدي من يشااااااااااااااء ..
سلامي