الغيـرة بين الصديقات هل المفروض آتدخل ؟

خواتي انا عندي مشكلة صغيرة وابا رايكم فيها …

كان عندي ربيعة السنة الماضية كانت بس مجرد ربيعة في بداية السنة بس عالكورس الثاني بدت علاقتي شوي شوي تقوى وياها ..

وعطول عطلة الصيف .. استوت علاقتي وياها علاقة قوية . حبيتها من كل قلبي وحسيت انها تبادلني نفس الشعور ..

والحين نحن 3 صديقات ، وتوطدت العلاقة بين الثنتين وانا تميت .. يعني يرمسون في امور خاصة مثل ما قالوا بدوني وانا اتحسس من هالشي .. بس مع كل ها يحبوني

المهم نحن يالسن في الصف عدال بعض وربيعاتي يطرشون بينهم اوراق وما يراووني اياها بس بينهم وبين بعضهم وبعدها يطرون الورقة ويعقونها ..

سألت مرة عن شو مكتوت في الورقة قالوا ما يهمج .. حطيت في خاطري شوي وهم بعد يوصلون الصبح قبلي ويلسون يرمسون وجي .. بس انا اغاار يعني ليش مش انا الي ترمسني ولا الاورق حقي ؟

وعلى العلم ان قبل ما تستوي علاقتهم قوية كانوا بعد يطرشون اوراق بس ربيعتي تخبرني شو مكتوب بس من بعد ما قوت علاقتهم قالولي ما يهمج ..

هل صح مالي حق اسأل شو الي مكتوب في الاوراق ؟
ولا اصلا من المفروض اني اسأل واتخدل عشان ما بيتعدون ربيعاتي عني ويحسون ان مالي فايدة ؟
شو المفروض اسوي ؟