اللى فى الدوام طفرت منهم — مب قادرة اتحملهم

شخباركم يا بنات
مرة ثانية بكتب عن اللى فى الدوام صراحة طفرت منهم والله تصرفاتهم غريبة ترفع الضغط
انا مول ما احب تصرفاتهم
البارحة ونحن فى الدوام طرشوا ورقة فيها تفاصيل وبيانات عن الموظفات مثل العمر وسنه التعيين والتخرج قاموا كلهم يفتشون فى الاوراق ويجسسون على اعمارالموظفات يصاصرون وهاذى عودة وهاذيك مب مبين عليها وانا صاخة عنهم بس والله مضايقة منهم جتى كنت اقرا الورقة وادقق على بياناتى وحدة منهم واقفةعلى راسى تبغى تاخذ الورقة وتشوف وطبعا انا متاكدة انه انا اول وحدة طالعوا بياناتى
وحدة منهم قالت والله فلانه اكبر عنى بعشر سنين ما خلت حد ما قالت له
مستغربة منهم ليش جى يسوون وشلهم فى خلق الله

الله يهديهم

يا اختي خليج منهم

اذا قالوا اكبر مني
قولي عادي هذا دليل على انه روحي طيبة عشان كذا ما يبان عليي

بيموتون قهر…
و بعد عطيهم نغزة
قولي ذكرتوني بموضوع "الاحساس بالنقص" لأنه العمر و هذي الاشياء ما تهمني

لأنه اللي يحس بالنقص يروح يدور و ينبش في ثغرات الباقين علشان يرتاح…
الله يعينج …

ناس فاضية ما عندها شغلة
حبيبتي طنشيهم لا نتزلين مستواج لها الفئة وشو يعني أكبر عنهم شو بيستوي يعني
يعني اعتراف صريح منهم انهم يهال ما عندهم سالفة

وربي مب صاحييييييييين يعني هي بتم صغيرة مثلا؟ ما في حد اصغر عنها؟ أكبر طاف حق اللي مافيهم مخ

ماعندهم ذمه وضمير هالاشكال الواحد يطنشهم وما يعطيهم ويه والسموحه اختي

المفروض هذي المعلومات تكون كونفيدنشال و سرية.. لازم تكلمون الاتش ار او الموظفين المسؤلين يمعون هالمعلومات بطريقة ثانية اون لاين مثلا لانة هاي معلومات خاصة جدا و ممكن تسبب احراج لبعض الموظفين بالذات الحريم ..

اما اللي وياج سخيفات لاتسويلهن سالفة