هلا وغلا خواتي الغاليات،،،
عندي مشكلة بخصوص الوظيفة وحابة آخذ شوركم.. انا الله يسلمكن حامل ف الشهر الرابع، قبل شهرين يتني وظيفة ممتازة بس ضيعتها من بين ايدي يوم خبرتهم اني حامل وبصراحة الكل قعدوا يلوموني اني كنت صريحة ويا ادارة الشركة،،، المهم قبل اسبوع سويت مقابلة في شركة ثانية وطلبو مني اسوي مقابلة بعد مرة ف بداية السنة اليديدة، بصراحة محتارة وايد، هل اخبرهم اني حامل وطبعا عقب شهر بكون ف الشهر الخامس، او الأحسن اني ايلس ف البيت لين مااربي وعقب ادور على وظيفة،، شوروا علي خواتي شو اسوي..؟!
اختي الله يسهل عليج ان شاء الله بس نصيحتي لج انج تستخيري ربج بهالشي هذا انسب حل واللي فيه الخير ربج بيجدمه ان شاء الله حبوبه
الله يوفقج اختي ..نفس ما قالت لج الاخت استخيري والي فيه الخير بيصير …بالتوفيق
انا اقولج تريي لين تربين عقب داومي ولا جي بيكون تعب علييج
والسموحه
الله ايسر أمرج استخيري الغاليه
والرزق بيد رب العالمين ^_^
أحسن لج ربي و عقب على راحتج بتداومين لأنج محتاجة راحة و ثاني شي اول ما تداومين يتوقعون منج انج تكونين ممتازة عشان تثبتين عمرج و جيه و اذا شافوج تعبانه من اولها بياخذون عنج فكرة
بس اذا الحمال مب وايد متعبنج ممكن تداومين
أفضل إنج تربين وبعدين وتشتغلين