بغيت نصايحكم
انا خلصت الدراسة بس ملانة بشكل فظيع، لا شغل ولا دراسة وما اطلع مكان الا نادر وبطلعة روح من الاهل ..يعني تخيلوني 24 ساعة في البيت مجابلة اليدران لان كل اللي في البيت يشتغلون ويدرسون
شواسوي مليت من هالحياة المملة ..عطوني نصايحكم شو اقدر اسويه من الاجازة الطويلة الابدية
اذا ما حصلت شغل ما دري كيف بتمشي حياتي
والسموحة
وخاصا إذا كنتي وحيدة هذا الأمر منه
إختي استثمري وقتج صح
قعدي عند الأهل
خصصي وقت حق النت
دقي لأهل وسولفي مع بنات الخالة وبنات العم
حفظي القرآن
دخلي دورات لغة كبيوتر
دلعي نفسج
خلي ساعة من وقتج حق الأذكار والإستغفار
مارسي هواياتج
دخلي المطبخ اتفنني فالأكل
واااااايد شغلات تقدري تسويها بس ما دام مخليه راسج يفكر بس فلملل خليه يفكر كيف تتخلصي منه
سوي اشتراكيه في نادي وسيري
حاولي تسوين شي في البيت مثلا
يوم تغيرين ترتيب غرفتج ومره تفتحين كبتج واطلعين ألي ما تبينه
دخلي المطبخ سوي شي روحج
في وايد اشيا تقدرين تسوينها
او اشتركي في مركز رياضه
او في مركز تجميل تعلمي اتسووين الميك اب او التسريحات
واذا عندج هوايه الرسم حاولي انج تدخلين معهد خاص للرسم
ودوم حاولي تشغلين عمرج العصر اتسوين سويتات للاهل اذا يوكم ضيوف فجأة
ادخلي النت سوي بحث عن اكلات يديده او اشغال يدويه
او ادخلي المطبح اطبخي للاهل الغداء او العشاء وخليهم يذوقون اكلج تفنني في الطباخه وتزيين الصحون
ان شاءالله تعيبج افكاري