مب أول مره اكتب عندكم
مابطول عليكم
مابصيغ لنفسي الاعذار لأني ماستحقها
والله كارهه نفسي .. في حد مايحب نفسه؟انا والله ماحب نفسي
الانسانة اللي تكتب حقكم انسانه فاشلة بمعنى الكلمة
ظاهريا ناجحه في مجتمع الدراسه معروفة بسمعتي بين الطالبات والاساتذة
بس والله انا ولا شيء …
صدق ولاشيء
قبل كم سنه ..
دخلت ف علاقة عالنت مع واحد
حبيته من قلبي
كنا مشتركين ف قروب ديني ..والله كنت احبه اكثر من نفسي واهلي
بس افترقنا لظروف ..وراح كل في دربه
بس مب قادره انساه…
والله نفسيتي تعبانه .. وصحتي تأثرت وايد
مب فخورة باللي سويته والله ندمانه كثر شعر راسي
بس والله صعب تتعودين على وجود شخص في حياتج لمدة سنوات ويختفي
ادري غلط والله فاهمه.. وابي اتغير ابي انسى
والله طول هذيج الايام وانا اقول يافلانه اتركيه بتندمين
اصيح على سيادتي واتوب .. بس ماقدر وارجعله
لين مافرقتنا الظروف غصبن عني وعنه ..
اكيد هو كمل حياته ونساني
بس والله مب قادره انساه
كان مثل ما انا ابا بالضبط
اذكره قبل مانام واصيح من كل قلبي
ابييييييييييييييييييييييييييه
قلبي يعورني والله يعورني
الزفت اللي اسويه حاليا
انا الحين ف علاقة مع شخص ماعرفه ولا يعرف عني شي
والله ماعرف ليش جيه اسوي
مب مستانسه ولا اقول شي ولا اسولف ولا اي شي من هالقبيل
بس اسمعه .. واتخيل اني اكلم هذاك
وفجأة انتبه ان هذا شخص ثاني
واقعد اصيح ع الخط واسكر ف ويهه
وماكلمه ايام ولما احن لهذاك ارجع اكلمه
ونفس المنوال اصيح عالخط … والله اني مريضه نفسياً
صدقوني مب طبيعيه
اكيد بتركه
بس خبروني وذكروني
ذكروني بعذاب القبر وفوايد الاستغفار
ذكروني بالقيام
وحلاوة الصلاة
خوفوني وحببوني
افتقدت القرب من الله
والله اشتقت لربي وايد
اشتقت اني احط راسي على المخده بدون لا احاتي باجر كيف بداري حزني عليه
اشتقت اني ماخاف اموت وانا خايفه اني اتعذب بذنبي
خبروني شو اسوي
ذكروني .. الذكرى تنفع المؤمنين
اقسو علي كثر ماتبون
بس لا تخلوني بروحي ……..
والله احتاجكم
استعيني بالله واقري قران
وربي يعينج
الاستغفــــــــــــــآر له فوايد عظيمة ..
دشي قوقل .. واكتبي ( فوآئد الاستغفآر )
سبحـــــــــــآن الله .. وأعظم فآئدة
انّج انتي يوم تستغفرين بنية خـــــــآلصة .. تستجيب كل دعـــوآتج
الحمدلله على نعمة الاســــــــلآم
توبي لربج توبة صادقة ما بعدها رجوع ..
وربج بيعينج ع النسيان …
قولي ف خاطرج…ربي واهلي أهـــم شي ف الدنيا .. وهاي مجرد معاصي …
والدنيا فانية …سارعي لمقابلة ربنا الرحيم ..
وحطـــــــــــــــــب جهنم اكثرها نسسسسسسسساااااااء
الله يبعد عنا وعنج نار جهنم .. وترى الحبببببببب كلالالالالام واذا عندج الثقه بالنفس بتتركين رغباتج _
اشوفج ع خير
ومارسي هواياتج ..
كملي دراستج أشغلي عمرج المهم ما تفكري فيه ,,,
حطي في بالج انه ماتــ
,,
وقولي لنفسج انا ما خسرت الجنة
… ومن ترك شيئاً لله عوضه الله خيراً منه