شو رايكم نقاطع التلفزيون في رمضان هذي السنه ؟؟
صعب ؟
صح..
صعب .. صعب .. صعب..
بس ..
اللي بتنجح ..اوعدها انها بتحس باحساس..
جميـــــــــــــــل .. غريــــــــــــــــب.. جــــــــــديد
في يوم العيد ..ما جد حست به ..وعد ..وعد..
و هذا من تجارب ناس حوليني ..(و تجربتي )
تعالوا نفكر مع بعض بصوت عالي ..
شو يشدنا في التلفزون؟ ..المسلسلات ..المسابقات ..البرامج ..
انطالع هذا الامور على قولتهم ..
" نسلي صيامنا !!!! " و نضيع الوقت عشان
يوصل وقت الفطور و بدون ما نحس ..صح ؟
بس هذي فيها ساعات ضايعه ..بلا فايده
هل تصدقون انه ممكن شخص يدخل مغاره ..
متروسه كنوز و مسموح له يشل قد ما يقدر..و عنده كيسين..
طلع بكيس واحد متروس ذهب و الثاني متروسه حصا …!
ليش ترس الثاني حصا ..؟ كان اولى يترسه ذهب ؟
قال عشان شكل الحصا عيبني ..بزين به حديقتي !!
هذا اذا ما ترس الاثنين بالحصا !!
هذا حالنا ..عيبتنا اشكال المسلسلات ..رغم انه ما فيها قيمه ..مثل الحصا
و شغلت اوقاتنا اللي كان بإمكانا نشغلها
بإعمال كثيره تدر علينا الاجر خاصة في هذا الشهر و تكون قيمه مثل الذهب
كلنا نقول .."بس بطالع هذبي اللقطه "
"انا اصلا ما اتابع المسلسل ..بس ابا اعرف شو فلان بسوي في البطله"
و غيرها و غيرها من العلث اللي تخلى اللقطه تمتد للساعه ..و اليوم يمتد لايام ..
اول كمن يوم هم أهم شي ..
لا تبطلين التلفزون خير شر ..و لو بتجلعين الرسيفر يكون احسن
اذا نجحتي بيكون باقي الشهر ..سهل سهل سهل
و حتى لو حصلتي صعوبه ..بينج و بين نفس قولي ..
اصلا هم بيعدون كل شي عقب رمضان..قصي على عمرج..
اعرف الممنوع في رمضان المفروض يستمر لعقب رمضان ..
بس ..صعب نترك شي تعودنا عليه و استوى مثل الاكل و الشرب ..بين لليله و ضحها
إلا طبعا ..قوية الشخصيه و الإراده..
شوي شوي ..بتشوفين عمرج ما بتابعينهم حتى عقب رمضان..
لا تترددين ..
محد يدري ..
" يمكن يكون هذا آخر رمضان لنا .."
في ميزان حسناتج ياااارب
الله يقدرنا على طاعته وعبادته على أكمل وجه ان شاء الله