مشكلتي غييير اشويه

آلسلام عليكم والرحمة

اشحالكم ابنيات إن شالله طييبييين .. آول شي كل عام وإنتم بخير وعساكم من العايدين إن شالله

والله يعوده على كل مسلم إن شالله..

بنآت آبي شوركم ونصايحكم في مشكلتي .. آنا طالبة بعدني آدرس بالجامعه..مشكلتي مب اهنيه المشكلة إني صج مب قادرة آحفظ شي وخاصة تخصصي يتطلب إن تكون لي قدرة في الحفظ .. أنا الحمدلله من النوع اللي يفهم بس مب في كل شي يعني في آمور تشكل علي وما آفهمها وفي آشياء آفهمها ابسررعه..آنا هالكوورس آبا آشد حيلي وآرفع معدلي لآن معدلي نازل وماعايبني وضعي وهالشي امسبب لي آرق وتعب وكله آفكر لدرجه إني آطش من الارقاد وما آرقد آحس بكابوس لآن موادي هالكورس صعبة وايد بالنسبالي..آنا ماخذه 6 مواد بس ما آعرف كيف آرتب جدولي ولا آعرف آدرس ولا آعرف كيف آحفظ عسب آوصل للمستوى المطلوب..الحمدلله آنا عندي هدف في الدراسة بس هالشي مو كافي إني أوصل للنتيجة المطلوبه .. ياريت اتساعدوني وتعطوني آفكار واتشجعوني ولو وحده عندها جدول معين للدراسة واتوفقت من خلاله تعطيني آو اتخبرني إياه.. وبكون شآكره لكم واايد

الله يوفقج يارب العالمين ويعينج على الحفظ يارب العالمين

حبيبتي اول شي تسوينه تشلين هالافكار السلبية من راسج

وتكون عندج عزيمة وارادة قوية

خلي وياج نوت بوك وكل يوم اكتبي فيها اللي لج واللي عليج وراجعي

وبتوصلين للي تبينه باذن الله

الغاليه .. لازم تقنعين عمرج انج ع قد الاختصاص والحفظ ..

يا اختي .,.. نحن دخلنا مجال غير عن اللي انحبه والحمدالله اتخرجنا وخلصنا ومسكنا مناصب بعد ..

لا تتحرين كلهم اللي ف الجامعه اذا داااشه اختصاص فيه حفظ .. مب معناته انها حفيـــــظه ..

انتي اتوكلي ع الله .. واذا اصتصعبتيه .. اقعدي مع حد من اربيعاتج اتساعدج ع الحفظ واتسهله لج ..

وربي يوفقج انشالله

لا تكونين سلبيه … فكري في الجانب الايجابي في شخصيتج … الواضح من كلامج انج ما شاء الله مهتمه بدراستج بس حطي في بالج انه ما فيه شي صعب في الدنيا … وان المواد اللي تدريسنها هالكورس مواد سهلة …

توكلي لى ربج … واسعي في طلب التفوق الدراسي .. ..
كل شي سهل
وليس هناك شي مستحيل
وقدرتي الاستيعابيه ممتازه
وساكون متفوقه

رددي هذا العبارات … وكوني قريبه من ربك … ثم ادرسي وادرسي

وسترين النتيجة

لا تقولين كلمة ما آقدر احذفيها من عقلج .. كتبي لج كلمات تشجعيه وحطيها على جدران الحجرة

لا تدرسين بمكان واحد .. غيري اماكن دراستج ,, مرهـ في حجرتج مرة في الصالة مرة في حديقة بيتكم

عشان تتغير نفسيتج .. انا قريت مرة في كتاب عن العلم النفس .. طريقة تساعدج على التركيز

تاخذين منديل عادي وتعطرينه بالعطر المفضل عندج وتحطينه داخل الكتاب .,, عشان تنفتح نفسج للدراسة

حاولي اسبوعيآ التغيير من ناحية الدراسة .. نوعي من طريقة دراستج مرة كتبي ومرة يلسي سمعي نفسج

و أهم شي بعد دراسة الامتحان المراجـــــعـــــة عشان تضمنين انج ثبتي المعلومات صح

لا تراكمين الدروس على نفسج .. واي شي مب فاهمته حاولي تخليين حد يشرحه لج ,, لا تمهممين روحج بالدراسة

عشان ماتنغثيين وتكرهينها .. حببي نفسج للدراسة واستمتعي فيها .. خذي المعلومة وكنج تقرين شي تحبينه

لا ترابعين الكسالى اللي الحياة عندهم لعب لعب .. عسب مايأثرون فيج .. اذا كنتي من اللي وايد يسمعون اغاني

واشعار وهالخرابييييييييط .. حاولي تخفييين منها .. لانه هالاشياء تكون سبب في ضعف الحفظ

كثري من الاستماع للقران الكريم لانه فعلا بيقوي وايد امور فيج كانت دينيه او حتى في حياتج

اقري دايما اذكار الصباح والمساء واكثري من الاستغفار عشان ربي يفتحه عليج من كل صوب

وربي يوفقج حبوبة ^^

الله يوفقج الغاليه بالدراسه