يا صغر الفرح في قلبي !!

السلام عليكم خواااتي ..

ماادري كييف اقووول لكن واماانه متفهمووني غلط اول ماصار لي هالموقف احترق قلبي ودمعت عيني ومالي غيركن .. شووورن علي دخييلكن…
شخص يحبني ويبييني وتقدم لي وهو مطلق وعنده ولدين وانا كنت مخطووبه ومااصار نصيب والي كانوا يخطبووني مااكنت ابيهم اخترته هو لانه حبني من قلبه وحب قلبي من على شكلي وانا متوسط في الجمال حبيته على اخلاقه ودينه وتواضعه .. المهم يلسنا انسوولف ونرتب حق العرس طبعا هو خذ راي امه وابووه والحمدلله كل شي صار بخير وماحد يعرف لانه يبي العرس عقب اسبووعين من الملجه ومايبي يخبر احد من اهله لين نملج,,, قالي ان ولده الصغير وعمره 14 سنه تقريبا استغرب منه لما طرش له صوورة امه وهي طليقته وانا الي اعرفه انها ملجت وتطلقت وماادري عرست ولا لاااا .. ماااادري من سمعته قاالي الولد طرش لي صوورة امه واول مره يشووفها وهي بدوون شيله. قلت له طرش لي الصوره قاالي مب لازم وانا بسأل الولد ليش طرش صورة امه؟ , طبعا انا من شفتها مشالله عليها حلووه وقلت له وببرودة اعصااب حلووه مشالله عليها مزيوون قالي هذيله بناتنا حسيت من كلامه ان بنات اعمامهم او اهلهم حلواات وانا ولا شي وانهن احسن عني ومن عقبها قلت له رد لزوجتك قالي لاتزعليني وماابي اسمع منج هالسالفه وتمييت احن عليه ابي اجييس نبضه قالي تبين يكوونن عندي ثنتين قلت له عشان عياالك وانا ما ابي ابني سااعدتي على حسااب غيري والولد حن لامه مع انه يشوفها على كلام ابووه , واضايج مني ..

يترى طرشت الصورة لولدها وقالت طرشه لابوك عسب يشوف جمالها ويحن ؟
ولا الولد من نفسه طرش الصورة؟
خايفه من بااجر شو بيصير بتحااول ترده وتحاول اتسوي مشااكل واضايج بي
اتركه عشان يرد لها تعبااانه… وقلبي يحرقني الي حبيته بيرووح عني عمري ماحسيت احد يحبني كثره على المشاكل الي صارت بينا وهو متمسك فيني اتصدقوون خوااتي تمنيت من هالدنيا بس اني قلب يحبني ما يشاركني معااه احد .. صوورتها يمكن حركة شجوونه او العشرة الي بينهم اويحاول يقهرها فيني ماادري شوو افكار تاخذني هني وهنااك
ياصغر الفرح في قلبي…

هذه هي قصتي وسمحوولي طوولت عليكن

[/CENTER]

اختي الغاليه الانسان يحبك لشخصك مب لشكلك … بعدين لاتفكرين بهالطريقه ابد ولا اتقولين قلبي تعلق فيه

استخيري ربج وشوفي وين الخيره مب شرط انج تحلمين حلم لا بس بحسين براحه ف صدرج ..

بعدين كل شخص فيه ميزه عن غيره ولو انتي حبيتي نفسج راح تعتني بشكلج وتثقين ف عمرج

الله يعينج حبيبتي ويسر لج امرج
هذا فالنهايه نصيب ومحد ياخذ الا اللي مكتوب له
عليج بصلاة الاستخاره وربي بيقدم لج اللي فيه الخير لج وله
وبعدين اخر شي تفكرين به الجمال لان هذا الشي بيزول وما بيبقى الا القلب الطيبه والروح الطيبه
الله يعينج
ويوفقج….

الله يفرح قلبج يارب

استغفري وكثير من الاستغفار و صلي الاستخارة واللي فيه الخير يجدمه ربنا

و كلن ياخذ نصيبه