أحبه بس هب قادرة أوصله والسبب إنه بدون !!

والله من صغري حبيته من كنت في الصف الرابع وفي حياتي ما حبيت شخص مثله لأنه هو الوحيد اعترف لي بأنه يحبني ومن هاك اليوم وأنا متخبلة عليه بجنون حتى هو يحبني لكن هالوقت كنا صغار وكل ما كبرت صار حبي أكبر وأكبر ومن دخلت الاعداداية ربيعتي عرفتني عالشباب لكن في النهاية ابتعدت عنهم لأني أحبه تجرأت في الثانوية إني اتصل له واعترف بحبي له وهنا البداية تعرفنا ورمسنا وحبينا بعض ولكن من دخلت الجامعة هديته وما اتصلت له فترة ورديت أتصل لكن ما رد عليه يوم يومين حسيت إنه نساني فنسيته وتعرفت على مليون واحد لكن حبي ما كان شرات حبي له مجرد لعب ولهو وسوالف وخرابيط لكن سنين وسنين ما عرفت من هو مجرد حب واسم لكن بالصدفة عرفت إنه بدون كنت اسمع هاللقب من صغري بس ما كنت فاهمة ودخلت الجامعة وسألت ربيعتي شو يعني بدون قالت لي إن ما عندهم جنسية الإمارات طنشت لأني بعدني غبية في هالسوالف يعني ما اهتميت شو يعني ما عندهم جنسية وتخرجت من الجامعة وقعدت في البيت جم سنه واتريا الوظيفة لكن أخويه عرف إني ارمس واحد من الشباب اللي تعرف عليهم في أيام الجامعة وصارت مشاكل وبلا وحبسني في بيته وهناك خطبني الحبيب اللي حبيته من صغري وأنصدمت لأنه بدون كيف وافقوا عليه صليت صلاة الاستخارة وارتحت له وخبرت اخويه إني راضية وكنت مستانسة منه وسألت اخويه كيف رضيتوا عليه وهو بدون قال إن عندهم مرسوم وبيعطونهم وإهنا استانست وحبيته من كل قلبي وحاولت أوصله بأي طريقة يعني اتكلم معاه لأني حاولت من زمان وما ثدرت اوصله لكن الحينه هيه خذت الرقم من عند أخته واستمريا بالدس والخش وكنت أتريا أكون وياه في نفس البيت عسب محد يفرقنا وجان اشتغل معلمة في مدرسة الابتدائية وما زلت مستمرة وياه في الحب وسوالف وحتى تقربنا من بعض واعترفت له إني اتصلت لبيته مليون مرة لكن كل مرة أخته ترد عليه وقلت في بالي إنك نسيتني فخنتك بدون قصد وهو خبرني نفس الشيء قالي يوم ابتعدتي عني حطيت في بالي إنج نسيتيني وكرهت كل البنات وحبيت أنساج بطريقتي الخاصة إني أتعرف على هذه وذيج وأنام ويا هاي واتخيلج إنتي وأسكر عسب انسى الحب وكل ليلة ابكي كان حبه اكبر من حبي له وهالوقت صرنا لبعض بس باسم الحب لكن المفاجأة

صارت مشاكل بينه وبين أخويه وافترقوا وأخويه صار يكرهه من الخاطر وهو هم يكره أخويه لكن أبد ما فكر يكرهني وخبرني بكل اللي صار بينه وبين أخويه وخاف ابتعد عنه لكني مستحيل ابتعد عنه لأنه حبي الأول والأحير والحب اللي حبيته من صغري

وأخويه حاول يبعدني عنه وقالي مافي أمل إني أكون له لكني ما فقدت الأمل وما زلت في امل بسيط يعطونه الجنسية عسب يتقدم لي وطلبت منه يتقدم لي وأنا بوقف وياه رمس خالي عن سالفتي وخالي بدوره رمس أمي إنه يباني وبيطلب ايد بنتكم أمي يحليلها خايفة من المشاكل ويا أخويه في البداية سكتت وقالت يصير خير وهذه السنة هم رمسو أمي وقالوا بيبون ورقة من الديوان عسب يتزوجني لكن امي قالت اصبروا وبيعطونه الجنسية وهالوقت بيكونون لبعض بس لين متى بنصبر صرت 30 سنه وهو وصل 40 سنه والله من صغري أترياه ودي أكون اليوم وياه قبل باجر لكن كل يوم لهم راي وأنا أعرف أمي ليش تقول جي بسبت أخويه لأن أخويه حرمني خوالي ومن زيارتهم عسب ما يأثرون عليه وأصر على حبيبي خلاني أكرهه كل يوم وأدعي ربي أكون له والله هب مهتمه في الجنسية المهم أكون بقربه ودي أحقق حلمي في يوم من الأيام

وخبرني إنه بيطلب ايدي بعد عيد الأضحى وبيرمس خالي عسب يرمس أمي

.
.
.

قولوا شو رايكم بمواطنة تاخذ بدون……..أدري الكل بيرفض عسب ما أتوهق بعدين هب مهتمه في هالسوالف هب مهتمه في العيال ودي آخر عمري أكون وياه بالحلال ودي أكون له قبل ما أموت والله هليه تحرموني من حب حياتي حسوا فيني

واحد من أخواني خذا حرمته عن حب وأنا اللي قربته وخبرت هليه عن حبه والكل استانس … واحد منهم قالي أنا أبى بنت فلان خبرت هليه عن طلبه وقلت إنه يبى وحدة أعرفها وتعرفونها وهو خاطره فيها وسبحان الله خذاها والكل استانس…وعندي واحد حب وحدة وخذاها لكن فشل في حبه لأن البنت ما تحبه وأنا نصحته لكن ما سمعني قال حبي فوق كل شيء وفي الأخير طلقها لكن ما زال يحبها…

لكن محد وقف ويايه قالوا بدون شو يعني بدون بدون بشر شراتنا والله أحبه لكن حبي بيموت في يوم من الأيام وهالموت إذا خذت غيره سامحني يارب

.
.
.

قولوا لي شو اسوي

وأدعو لي تراني وايد متضايجة

كل يوم أحلم وأتخيل إني وياه كل يوم لنا مستقبل كل يوم لنا شيء والله استانس يوم أحس فيه ويوم ابتعد عنه أحس إني أموت

أتريا الردود اللي تشجعني

كيف مب مهتمه للجنسيه

فكري بعياالج اوولا واخيراا لاتصيرين اناانيه .. كيف بتعيشين مع عياالج وهم ماعندهم جوازاات
نحن عياالنا عندهم جوازات ومتلعوزين ويااهم عيل كيف يووم انه ماعندهم ؟؟؟!!!

انا اعرف وحده مااخذه واحد هب من جنسيتهم ومتلعووزه ويااه وياا عيااله .. بعد هم يحبوون بعض لكن فكرت بنفسهاا قبل ماتفكر بعياالهااا والحين والله ندماااااااااااااااااااانه كثر شعر رااسهاا حتى انها باالعه مووس لاتروم تظهره ولاتبلعه … شفتي كيف الحيااه صعبه

اصبري يمكن نصيبج مع غيره يكوون احسن من هذا الي تحبينه

والله يووفقج

تبين رايي ..
بعيييد عن كل اللي سويتيه أيام صغرج وسوالف المراهقة وشباب و و

بقولج شي واحد بس

انتي مب صغيره وعمرج 30 سنة .. فـ >>> وافقي

ترا العمر اللي ضاع يكفي .. وما بقى شي جدام .. والجواز صح شي ضروري .. لكن في حالتج نتغاضى عنهاا ..
وانتي تبين الريال .. وهو اوك ومحترم وامكانياته تسمح .. فـ أقوولج وااااااااااافقي .. ترا اللي ضاع يكفي !!

والشي راجع لج ..

عورتي قلبي ><

فديتج الجنسيه احسها مهمه خصوصا هالايام

فكري عيالج كيف بيعيشوووون

ما اعرف شو اقولج .. احس اني مب رايمه اطلع الي فقلبي

لي رجعه ان شالله

والله يوفقج

انا وياااها كلامها صحيح لوو اني من اشد الراافضين ع شان العياال بس وافقي ! ا

الله يسر امورج