الصراحه ماتوقعت منها

مراحب خواتي الغاليات شخباركم
————————-
حصل لي موقف مع ربيعتي وااايد استغربت من تصرفها
ويمكن يكون الحق وياها اذكر من فتره اتصلت عليها وقلت
لها يافلانه بغيت من 300درهم والله العظيم كان علي سبيل المزاح
المهم هذه الانسانه ماقصرة وعطتني المبلغ يزاها الله خير
الموضوع تقريبن من سنتين او اكثر ماذكر بصراحه وماقلت لها سلف
وهي نفس الشي قالت مابينا شي يعني المبلغ بدون مايرد لانه لانه مب سلف
المهم تفاجت البارحه انها طرشت لي مسج وقالت لي تذكرين يوم عطيتج المبلغ
وانها علي حسب رمستها انها مسلفتنه عن صديقت اختها والحين اربيعت اختها
تبا المبلغ انصدمت قلت لها موضوع من زمان المهم قالت والله اربيعت اختها محتاجه
المبلغ ضروري وباج اتردينه وعلي فكره اربيعتي عندها معاش وعلي قولتها حق
اربيعت اختها اتروم تعطيها المبلغ من عندها وطرشت لي كذا مسج والله انه مايسوي
بسبت هذا المبلغ 300درهم وقلت لها صدقيني بردهم عليج وانا ما اكل بيزات حد
وعقب ردت عليك قالت خلاص انا مابا المبلغ وبروحي بصرفه ويه الحرمه
كيييييييف ماتبينه وانتي قلتي اربيعت اختج تباه قلت لها اول ما احصل البيزات علي طووول
بردهم عليج ما الومها هذا حقها بس صدقوني لو يتني بطريقه ثانيه جان تقبلت الموضوع
عاااادي ومابنصدم بس عقب كم سنه والمبلغ ماكان سلف وتقول الحرمه تبا ضروري
وبرد وبقول هذا حقها بس اي صداقه نرمس عنها في ها الزمن
وطبعن قلت لها بعد ما ارد بيزاتها ماراح اتواصل وياها
ادري طولت عليكم بس والله ماتوقعت منها والسموحه
ولسوف يعطيك ربك فترضى

اختيه جوفي انا استوالي موقف جي ويا 2 من ربيعاتي .. بس هب ربيعات ربيعات
المهم هن كانن محتايين بيزات وانا عااد ع نياتي قلتلهن اوكيك وجي .. من عقبها عطيتهن
وعادي الامور طيبه .. ف يوم من الاياااام اتخيلو انه انا كنت محتايتنهن .. بس يبتهن باسلوب ثاني
يعني اوكيك ولمحت وجي بس ماشي فااايده هب طايعات يعطني يعني اتخيلو بنات لهالدرجه ..!!

قلتلهن الله يسامحكن .. بس ومن عقبهااا قطعت عنهن اتخيلن بنات لين الحينه يدقن بس مارد ..

وبالنسبه لموضوعج اختيه .. اوكيه هيه عطتج وجي ماستوا شي بس لو يابتها باسلوب احسن عن
ها يكون بعد احسن احسها جنه عطتج كاش ف الويه يلا رديهن .. انا ماحب جي .. لي يقول بتاكلين
البيزات وبعد شو لي ذكرهاا بالسالفه من عقب سنه ونص ..!! هالي مستغربه منه

والله يالغلا الناااس الحينه ماتفكر الا ف مصلحتهاا والبيزات بس ..

كيف طلبتي منها 300 درهم على سبيل المزاح؟ ما فهمت؟ يعني انتي كنتي محتايه ولا تسولفين وياها؟ يعني تقولي على سبيل المزاح تراج خذتي المبلغ وصرفتيه كيف على سبيل المزاح؟

والله حتي انا قلت جذه لو قالت لي باسلوب احسن من جذه بدون لف ودوران
انزين هي عندها معاش والحمدلله رب العالمين وبروحه قالت لي
عقب ماسوت ها الموضوع قالت انا داشه جمعيه وبدفع من عندي
عقب ماسوة الزوبعه لو اني ماعرفها عدل بقول والله العظيم انها تقدر ادبر المبلغ
واكثر منه ولكن شوو انقول الغاليه غير الله المستعان
تسلمين حبوبه

الله المستعان—-

الغاليه بين الصديقات كل شي يصير ومافيها شي والوحده تمزح
ويه ربيعتها حتي لو تصرفت فيه انا كنت امزح وهي اصرة اني اخذه
حتي لو اتصرفت فيه شووفي من كم سنه
وانا ما ارمس عن المزاح لو تصرفت فيه
الغاليه انتي لو عطيتي وحده مبلغ وقلتي لها لاتردينه وهي يوم بغته
منج ماكان بينكم سلف برد وبقول تراه حقها
وتسلمين حبوبه

والله انا ماكتبت الموضوع اله اني ماتوقعت من هاي الانسانه جذه
الله المستعان