جزر القمر ~ِ~~ِ}

بس انا عن نفسي لو كنت مكانج ما بوافق للأسباب التالية :

1- عيالج ما بيحصلون جوازات و ينعدون وافدين و ظروف الحياة صعبة في هالزمن و كل وحده تفكر في مستقبلها و مستقبل عيالها و تبغيهم يعيشون مرتاحين و يدرسون في احسن الجامعات و يمسكون افضل الوظايف .. و الحين المواطنين مب محصلين وظايف بالحسرة عيل وين البدون و الوافدين !

2- انتي بعدج بنيه صغيرة و الحياة جدامج و بتحصلين فرص احسن ان شاء الله .. يعني مب كبيرة فالسن ولا مطلقه ولا ارمله عشان تضحين و تتنازلين

3- شو اللي يضمنلج انهم يحصلون جواز الامارات ؟ و متى بيحصلون ؟! ما تدرين سنه سنتين ولا عشر .. و كيف بتكون ظروفج في هالفترة و كيف بتعيشين ؟ خصوصاً اذا انتي متعوده على مستوى معين في بيت ابوج ؛ صعب تتأقلمين مع الوضع اليديد

4- حلات الثوب رقعته منه و فيه مب عشان شي بس لأن التوافق مهم و ضروري في الزواج و من الاسباب اللي تحكم على العلاقة بالنجاح او الفشل .. يعني في حالة ربيع اخوج الافضل انه ياخذ وحده شراته وانتي تاخذين واحد مواطن شراتج عشان باجر ما تعايرينه ولا تظلمينه

و في النهاية القرار راجعلج بس تذكري انه قرار مصيري يحدد مسار حياتج للأفضل او الاسوء و لا تنسين انها عشرة عمر مب يوم ولا يومين