بنات سورري على هالموضوع لانه حساس وااايد بس لازم نتكلم فيه ونحط نصااايح حق الامهات
بنات كثرت هالايام التحرشات الجنسيه واستغلال الاطفال وحتى الكبار وخاصتا البنات
وببدا السالفه مع اربيعتي هي عمرها 20 سنه تقول مره كنت رايحه الجامعه وانا اسوق وكنت ادور باركن حق السياره وتفاجات بواحد من جنسيات الاسيويه ياشر علي وكان واقف ورا كيبلات الكهرباء ويسويلي حركات تقول من يومها وانا ما اوقف سيارتي بعيد .. وللعلم هي وحده متنقبه
بنات انتبهوا لا توقفون سياراتكم اماكن بعيده .. ولا تنزلون اي مكان
القصه الثانيه وحده تقولي شفت راعي البقاله يتحسس جسم بنت صغيره
وهني اقولكم انتبهوا ياامهااااات اتحملوا تلبسون بناتكم ملابس ضيقه وقصيره حتى ولو صغار ولا تلبسونهم ذهب ..
استغرب يوم اشوف في الحدايق يهال مع خدمات بروحهم وين اهلهم عنهم
نصيحه لا تدمرون عيالكم والله حراااام … ياما سمعت قصص والله تشيب الراس وكله بسبت الاهمال
لا تعتمدون على حد لا دريول ولا خدامه
تخيلوا بعد مره وحده تقولي سرت اوصل بنتي المدرسه وهي فالابتدائيه وكانت السياره الي جدامي فيها الدريول قبل ماتنزل البنت باسها!!!!!!!!!!!!!
لييييين وين نحن وصلنا …
اي جيل تبونا يكون … مدمرين نفسيا
والله صارت الدنيا تخوف …
ريبيعتي تقول يوم ايي عدنا عمال يصبغون البيت ولا يعدلون شي وخاصتا فحجر البنات تقول نغطي كل شي فحجرتنا حتى مانبين انا شي بنات فالبيت ..
تقول طبعا قمنا نسوي جي بعد ماسمعنا سالفه راعي البقاله الي اغتصب بنت فنفس فريجنا
كان يراقب كل اهل البيت ويعرف كم واحد فالبيت .. ومتى يروحون ويردون وطبعا اهل البيت كل باب حويهم مفتوح وحتى يا اليوم الي محد كان فالبيت الا البنت واخوها وكانوا طالبين من الدكان ودخل البيت وضرب الولد بحديده ع راسه وللعلم الولد عمره 22 واغتصب البنت ..
كل ها بسبب اهمال الاهل طبعا .. الي باب بيتهم مفتوح 24 ساعه
اتحملوا على اعماركم والله لا صاروا يحترمون متغطيه ولا غيرها …
وانتبهوا يا امهات .. وسبحان الله ها كله يعود على التماسك الاسري وترابطهم مع بعض وسؤالهم عن بعض مش كل واحد مايدري وين الثاني …
وهاي بعد سالفه وسمحولي على هالقصص بس لازم التنبيه
كان الدريول دوم يتحرش فالبنت يوم يوديها المدرسه وهي خبرت الاخصائيه الي بلغت عليه وتعرفون ليش خبرت الاخصائيه لان اهلها مايسمعونها ابد واعترف الدريول وقال اصلن هم مايدرون عن بنتهم وكل يوم يضاربون اخوانها ومشتتين .. هندي ويقول جي تخيلوا
من جي استغل البنت وحليلها
كونوا قريبات من بناتكم وخواتكم وصيروا لهم صديقات عشان يفضفضون ويخبرونكم اول باول
ومشاكل البيت لا يشوفها ويسمع عنها احد لان الناس تحب تستغل فرص الضغف هاذي
وربيعتي تقول انا ريلي يوم يسافر احط نعاله دوووم عند الباب او اكثر من نعال عشان محد يقول حرمه بروحها فالبيت .. لان وحليها عايشه بعيد عن اهل ريلها واهلها وماعندها حد وتخبر ريلها عن الطريقه الي تسويها
وتقول يوم اروح مشاوير مااخلي التاكسي يوقف عند باب بيتنا اقوله يوقف عند باب جيرانا عسب مايعرف وين بيتي لان انا بروحي وريلي محد…
عكس بنات هالايام الله يهديهم سوالف مع راعي التاكسي …
واخيرا اقول يمكن هالكلام قوي بس يمكن ماتسمعينه من حد
انتبهوا لخواتكم وبناتكم الصغار…
والي عندها نصايح بليز لا تبخل
وسمحولي انا ما اريد اخوف حد .. الحمدلله نحن بامان والامن مايقصرون بس لازم الواحد يكون متفتح لهالامور .. ومثل ما قلت ها كله يعود ع الاسره واهتمامها فعيالها ..
انتبهوا …. انتبهوا
واخيرا اسال الله يحفظنا ويستر علينا ..
وبعد الخدم هم اكبر مصيبه يعلمون اليهال الغلط و اليهال يطبقون ع بعضهم >< وايد سمعت جي
كلكم رااعي ومسؤل عن رعيته
مشكورة فديتج موضوع مهم
اتمنى من كل الامهات يتبعون عيالهم تراهم امانه
قصص التحرش وايد ماره علي واكثريت ربيعاتي متحرشين فيهم
مشكورة حبوبه