انا الوافي وهو الجآفي

شحالكن عساكن بخير سيدات الامارات ^^.."

اليوم قريت موضوع عضوه عن صديقتها الروح بالروح

انه ملجت وما خبرتها الا بعد ماملجت .."

عاد ذكرتني بربيعتيه ><

صج شي يقهر

المشكله ربيعتيه كانت تكلمني عن العطور والدخون وانا اقول لها شوه احسن شي

وانا ياغافلين لكم الله واعتقد انه قبل يوم الملجه باسبوع صدق شي يحز في الخاطر ><

ما قالت لي شي ولا لمحت حتى ولا هلا ولا مرحبا ..

انزين وين المشكله ؟!؟

انا اعز ربيعه عندها مانخش شي عن بعض ابد صدمتني صراحه صدق يوم قالت لي ربيعتيه الثانيه اني

على نياتي …<‘طيوبه فديتني

طرشت لي خبر انه اليوم الفلاني ملجتها وفرحت لها من الخاطر

حتى اني صحت من الفرحه هبله الحمد الله والشكر ..

اكتشفت بعدين اني مب انا اول وحده تعرف ولا بعد ناس قايله لهم قبلي >< صراحه قلت بعاتبها

لاني ماحب اخلي شي في خاطريه بعدين اسير ارمس من وراها

اول شي انكرت وسوت عمرها اونه كلنا نفس اليوم عرفنا بعدين اعترفت..

صراحه اللي كتبت موضوعها فتحت عيني على شي كنت غافله عنه >< وضاقت بي الدنيا وحبيت

افش شويه من اللي في خاطريه .."

بس صراحه شي

يحز في خاطرج يوم ربيعتج تسوي فيج جيه تنصدم صراحه >< علاقتيه فيها الحين وايد اوكيه

وهذا اهم شي وهيه ماتعرف اني حاطه في خاطريه عليها لاني بصراحه ماشي في خاطريه عليها

كيف جيه ماعرف

بس تعلمت درس احذر عدوك مرة واحذر صديقك الف مرة..

الحين واسني ^^