مشكلتي في الدوام

مرحبا بنات حابة اخبركم بمشكلتي

انا ادوام والحمدلله وراتبي حلو بعد بس تمر ايام ما انجز ولا استفيد يومي يروح عالفاضي يعني عادي ايلس يوم كامل بالدوام قلم ماحركه وانا مش من هالنوع احب اشتغل واخذ خبرة واستفيد ولا اذا شي شغل ماشي غير الطباعة …………..

تعبت والله اجوف بنات غيري ماسكين مناصب وانا صارلي 6 سنين في الوظيفة ما تغير شي في حياتي وانا عمري 27 سنة متى بيكون لي منصب او حتى شغل أأديها يوميا حاولت اسوي اي شي بس نحنا قسمنا مافي شغل ..

غير جي انا صراحة مارمس حد من الدوام لان طبعي جي ماحب اختلط مع الشباب او حتى البنات وايد عسب عقب ما تستوي مشاكل يعني في حالي اللي علي اسويه وخلاص قام الكل يعرف انه ها اسلوبي حتى صارو ما يرمسوني الا فالشغل

نفسيتي تعبت انا انسانة طموحة احس وقتي يضيع عالفاضي حتى اني فكرت انقل قسم ثاني بس متخوفة اهني المدير طيب ويطلعني حق الدراسة اخاف القسم اللي انقل فيه مب زين

شو تنصحوني بنات ؟؟؟؟؟؟؟؟؟؟؟؟؟؟؟؟؟؟؟

انقلي وتوكلي على الله

شوفي لج جهة ثانية قدمي لها مثل البنوك دوم ترقي موضفينها والله يوفقج

قووولي الحمدلله ,,, غييرج مب محصل شغل.. و وقتج اللي يضيع جي بدون ماتسوين فيه شي.. استغلييه بشي ثاني لج انتي..
هاتيلج كتب فقه .. زييدي علمج .. هاتيلج كتب التفسير .. و غيري علاقتج مع البنات,, اطلعي و روحي و تعالي مري ع اربيعاتج ,, دام ماشي شغل.. بس لاتميت تعرضين مساعدات وايد عقب بستغلوونج ..

انا لو مكانج جي بسوي .. و بقرى قصص الصحابه و بتعلم..

لازم تثبتين نفسج بالدوام .. لانه اللي منعزل وما يختلط باحد صعب جدا يعرفون قدراته
فـ صعب اللي حواليج ينظرون لج بوظيفه ثانيه ..

انتي حاولي تنجزين شي .. او اطورين من شي
حتى لو طبيعه عملج ما تعطيج حريه تامه تتصرفين ع كيفج
انتي حاولي بالحدود اللي تقدرين عليها وعقبها يصير خير ..
لو تحبين راسليني ع الخاص ووضحيلي طبيعه عملج وان شاءالله اذا قدرت بساعدج باللي اقدر عليه

عفوا .. بس تعقيبا على كلامج ..
هي بجو عمل اذا بتقعد اتييب قصص ولا غيره الكل بينظر لها بالدوام انها هاده شغلها ومجابله الكتب وغيره .. حتى لو هم يدرون انه طبيعه عملها تقعد فاضيه ما بيروحمونها ..
بالدوام دايما ينظرون للشي من ناحيه ثانيه ويخلونه شي سلبي
يعني باجر اي حد بيسال عنها او مثلا حد مار .. بيقولون والله هذي ماعدها شغل وشغلتها بس تقرا قصص
اممم سوووري انا ما اقصد شي .. بالعكس ادري انج تبين تستفيد من وقتها بشي مفيد بس للاسف هذا واقع عملنا ..

فترات يكون في ظغط في شغل وفتره مافي شغل بتحصلي في كل الاماكن