شكله عيبكم الهندي

بنات انا امس كنت سايره محل للعبي عسب افصل عبايه .. ومريت على 3 محلات وماعيبني شي عقب سرت لمحل متعوده افصل عنده ويلست اقوله انا كيف ابا العباه وجي .. يعني الموديل انا ألفته من عندي لانه قلتلكم مادخل شي بخاطري.. انزييين ف لانه الموديل من عندي تميت يمكن اكثر من نص ساعه بالمحل عسب اشرح له وجي غير انه كل ساعه وتدخل وحده المحل وتسأل الخياط اذا خلص لها عبايتها ولا واذا عدلها ولا ومن هالقبييل… واتعرفون هالايام اعياد وجي فالمحلات كلها ربشه ومحد فاضي لشي
المهم بتقولون وين المشكله .. اللله يسلمكم وانا قاعده اشرح للخياط ابوي دق لي عسب يسألني انا وين اتعرفووون شو قال!!!!!!!!!!!!!!!!!!!!!!!!!!!!!!!!!!!!!!!!
قالي شو اتسوين للحين عند الخياط واايد اتأخرتوا.. قلتله يالسين نشرح له الموديل وانه احنا سرنا 3 محلات مب محل واااحد عسب جي اتأخرنا .. اتعرفون شو رد علي ؟؟؟؟ قالي شكله عيبكم الهندي… بنااات اتخيلوا وحده منكم ابوها يقولها جي.. والله العظيييم يا بنات اني اكتب لكم والدمعه بعيني.. كيف يعني الهندي عيبني ابا اعرف ..وبعدين انا مب اول مره اسير افصل عباه انا واختي عادي متعودين انسير .. وانا الحمدلله من البنات الملتزمات وابوي يعرف هالشي … وبعدين المحل مب واايد بعييد عن بيتنا.. يعني كان ابوي بامكانه ايي ويشووفنا كيف متوهقين ويا الموديل وكااان يقدر يمر حتى صوب المحل لانه المحل مايبعد الا خطوات عن بيتنا …
بنااات انا والله مضااايقه مب قادره انسى كلاام ابوي .. احس انه جرحني .. لانه ابوي متعود يكلمني كلااام عدل غير اني انا الكبيييره فالبيت فحسسيييت غير انه يكلمني جدام اخواني الصغار ويقولي هالكلام .. ترى هو كان فالبيت يوم كلمني واخواني كانوا صوبه.. حتى اليوم واحد من اخواني قالي عالغدا عيل امس كنتوا قاعدين ويا الهندي هاه .. اتخيلوا والله عصصصبت عليه كنت اشوي وبرتكب فيه جريمه اتخيلوا هو عمره 14 يقولي انا هالكلام .. يعني احس انه مصدق انه احنا كنا قاعدين ويا الهندي لانه ابوي رامس جدامهم كلهم .. وبعدين انا مب صغيره عسب اسوي هالحركات واقعد فالمحل عسب الهندي انا عمري 23 يعني اعرف شو الصح من الغلط .. وابوي يعرف اني مب من هالنوعيه من البنات .. بنااات والله والله اني وااااايد مجروووحه ومب عارفه كيف انسى الكلام اللي قاله لي ابوي وكيف اتصرف؟؟ وابا رايكم باللي صار والكلام اللي قاله؟؟؟

يمكن قالها في لحظة غضب

بصراحه ماعرف شو اقولج بس حطبي في بالج انها كلمه ونقالت من ابوج يعني ماتقدرين تسوين شي غير تنسين السالفه

احيانا تطلع من الابوين كلام جارح بسن ترى في نفسهم تكون حسرة ليش قالوا جذى حق عيالهم

ومرة أنا سرت أفصل عباه لعوزت كل الهنود ولعوزت أبوي معاهم في أخير قلت خلاص برد البيت وبيي يوم ثاني
شفت الغضب في عيونهم هـــع

أحسن حل إنج ترسمي الموديل في ورقه وتودينه للمحل ودقايق وبتخلصي المشوار

ترى الآباء يعصبون من هالتفاصيل هم يحبون المختصر السريع

فلا تشيلي هم

وقوليله ابويا شــــــــــــــــــــرايك بعباااااااااتي
وبترد المياه لمجاريها حبيبتي ^_^