بس خلاص طفح الكيل 2

والله يا بنات مووووووووول مب طايقه عيشتي الثقه معدومه فـ بيتنا و القهر مافي سبب مقنع يخليهم جي يسوون فيني و الله مرات افكر اظهر من البيت و موووووول ما ارد بس استغفر و اشغل عمري عشان اظهر هالشي من بالي

اتخيلو عمري 22 لا فون شرات الناس ولا ربيعات كل اللي عندي هدوني و السبه اهلي … بالعقل دام ما عندي مبايل اكيد ربيعاتي بيتصلون على تليفون البيت اتخيلوا يوم ارمس بالتليفون يلسوون حذالي يسمعون سوالفنا اونه يمكن واحد من الشباب مخلي اخته تتصل و عقب هو بيرمسج والله ما اعرف شو اقول لكم عنهم اقول على الاقل يوم بتزوج بفتك من هالشي حتى اذا تقدم لي واحد يقولون له اسمحلنا البنت مب من نصيبك انزين تعالوا شاوروني على الاقل من كنت ثاني اعدادي و انا انخطب بس ما اعرف شو سبب رفض اهلي اذا وحده ثانيه كانت مكاني ما اعتقد بتقدر تستحمل هالشي الواحد يصبر و يقول يمكن الحال يرد شرات قبل بس كل يوم اشوف اليوم اللي طاف احسن من اليوم

عدت ثالث ثنوي كمن مره بس عشان الشهاده ما تكون جديمه كمن سنه و اقدر اداوم و اعتمد على عمري لأن مصروف شرات الاوادم ما يعطوني مع ان راس مالي 500 درهم و من غير الشؤون اللي للحين ما اعرف عنه شي يوم أسال الوالده تقول لي انتوا ما يعطوني مالكم بس ينزلون مالي حتى من هذا حارميني والله اذا قلت لهم بروح الجمعيه باخذلي غرض والله بالحسره يعطوني احس جنهم طالبه منهم 1000 مب 500

والله خلاص بتخبل … اللي مصبرني اقول يمكن هذا اختبار من ربي و لازم اصبر بس خلاص نفسيتي تعبت مب قادره اركز في شي و صرت وسواسيه كل ما اشوف الاهل يالسين بروحهم في الغرفه بدوني اقول اكيد يرمسون عني و اللي يثبت لي هالشي يوم ادخل كل وحده اتشوف شكل الثانيه و تسكت من اظهر يردون يمكلون سوالفهم مع اني ما سويت فيهم شي ولا ظريتهم في شي بس ما اعرف ليش هالمعامله منهم

الله يعينج يا الغاليه بس عليج بالصبر وقراية القران والاستغفار يا قلبي ولا تغفلين عن صلاتج والصدقة الصدقة الصدقة مهمه جدا يا حياتي جربيها وراح تشكريني الصراحه تتصدقين بنيت الزواج او يفرج همج ربج وصدقيني ما راح يخيب املج وربي يصلح حال اهلج ويهديهم بس هذا كله من خوفهم عليج

انا ما سويت شي عشان يخافون عليه منه …

الحمدلله اصلي فـ وقته و استغفر …

الله يعيني … مشكوره اختي

يلا الله كريم

مرحبآا

ربي يكون بـ عووونج آختيه .. والله وضعج صعب

يعني اذآا آهلج ومآا يثقون فيج .. شو بتقولين عن آلغرب؟؟

جد جد شي مؤلم وآايد .. وآلمشكله آنج تربيتهم وآلمفروض يكونون وآاثقين فيج

ومآا تعلمين يمكن هو ابتلـآء من ربي .. ترآا ربي مآا يبلي الـآ آلـآنسآن آللي يحبه

فـ تصبري حبوووووبه .. آدري بتقولين آلكلـآم سهل وآن محد حآاس بـ آللي آتعيشينه

بس جد آلهي نفسج .. وتبين نصيحتيه ؟!! آقري كتب .. انآا حآاليآا اقرأ كتآاب وآاايد حلووو

آسمه قآانون آلجذب .. للدكتور صلـآح الرآاشد .. كتآاب وآااايد جمييل وممتع ومفييييد وآايد

يعلمج كيف تخلين حيآاتج آحلى .. والله غيييييير هـ الكتآاب .. اقريه وبتعرفين فآايدته ^^

وربي يزيييح همج حبوووووبه ^^

الله يعييينج ياغلا

الحمدلله ع كل حااال وفي ناس اخس عن اهلج وصابرين فديتج

الله كريم