فنشوني بسبب الحج

خذيت اجازة يوم واحد من الدوام عسب اسير الحج
واتفاجات المدير يقول لي مب لازم اتحجين السنة
حجي السنة الياية او الي بعدها
وطبعا انا ما اظمن نفسي اعيش للسنة الياية والا اموت
والحمد لله حجيت والفضل لله سبحانه
بس رجعت من الحج وفيني حمى وزكام وتعب وارهاق
ورحت المستشفى وعطوني اجازة يومين لان صوتي
كان مبحوح ودرجة الحرارة مرتفعة وما قدرت اداوم
والا اتفاجأ بزميلتي في الدوام اتقول لي المدير وقفني عن العمل
لاني خذيت اجازة بدون موافقة الادارة
واليوم وداومت بس عشان اقابل المدير وانتظرتة في المكتب
اكثر من ساعة وهو امطنشني
ومن القهر اللي فيني قدمت استقالتي وحطيتها على مكتبة اطز فيها عيونة
يوم طالبت بمستحقاتي في الايام اللي داومت فيها قالوا لي مالج مستحقات
شو رايكم بها الموقف : مواطنة تتوقف عن العمل بسبب انها راحت الحج
بدون موافقة الادارة
ومستحقاتي كيف اخذها ؟
ساعدوني شو اسوي

لا حول ولا قوه الا بالله

اووووووف قووية بس يمكن خيره لج من الدعاء يالي دعيتية في الحج المهم حجيتي وضمنتي عمرج والشغل بتلاقين غيره او ان شاء الله يرجع المدير بكلامة ويرجعج لشغلج لانه سبب غير مقبوول

عندج وزارة العمل تقدرين تشتكين هناك

والمكان إللي اداومين خاص و لا حكومي

اذا مكان خاص طيراااااان على العمل والعمال

واشتكي عليهم وبتاخذين كل حقوقج

والله يوفقج

لا حول ولا قوة إلا بالله

اشتكي عليه