لا تضيعين اسعد للحظات فحياتج تقضينها مع اهلج >>> للعازبات

السلام عليكم ورحمة الله و بركاته

كثير من البنات العازبات و انا منهم يضايجون يوم يفكرون فالعرس و العريس و تتسال متى سوف ياتي الفارس ع حصانه الابيض .
فكرت عقب و قلت بما اني لين اللحين موب متزوجه ليش اعيش حياه العزوبيه كلها فكآبه و حزن يوم بعرس ما بيكون عندي ذكريات حلوه عن حياتي العزوبيه .
يالله بنات و خاصه الي مثلي واااااااااااايد تفكر فالزواج امسحي دمووووعج و عيشي اسعد ايام حياتج نسوي الي نبيه اللحين نحن احرار بي يوم بنكون فيه فالقفص الزوجي الذهبي بي يوم راح تشتاقين لها الايام
بعيش اسعد للحضات حياتي مع اهلي لان بي يوم بروح عنهم و بكون فبيت
ربي يرزقنا بالازواج الصالحين عاجلا غير آجل

هالتفكير الصح .. الزواج ارتباط ومسؤوليه وشورج مو عندج أو عند أهلج
عند زوجج وبيتحكم في كل شي في حياتج حتى في لبسج ..عيشوا حياتكم واستانسوا
قبل ما تتزوجون وأتمنى لكل العزابيه الله يوفقهم ويرزقهم الزوج الصالح

خخخخخ الحمدلله عشت حياتي عند اهلي بكل خرشة ووناسة وللحين نفس الشي ويا ريلي واهلي^^
مشكورة حبيبتي

المشاركة الأصلية كتبت بواسطة احتاجك..

خخخخخ الحمدلله عشت حياتي عند اهلي بكل خرشة ووناسة وللحين نفس الشي ويا ريلي واهلي^^
مشكورة حبيبتي

^^
تسلمين على المرور حبيبتي ربي يوفقج و يسعدج

والله العظيم بنات واللي يعرفوني من أهلي الموجودين في المنتدى بيبصمون لكم بالعشر على صحة كلامي

أنا من كنت اصغيرة أموووووووووت على العرس وطاريه

أجن أجن على الزواج

وعلى الرياايل بس المطاوعة مب أي ريال … ما أطيج الريال اللي ما عنده لحية وكل أتخيل اني أنا زوجت واحد مطوع

أمي وايد اتعصب علي يوم أقول أبا أتزوج … اتقول اصطلبي … أقول امي أنا ما طلبت الحرام أنا أبا الستر … بموووووت خخخخخخخخ

مصخرت العالمين استويت … .هههههههههههههههه

وقبل ما أنا أفكر وفي الدوام وكل دقيقة اف حياتي أفكر وأفكر …

بس الله مب كاتب لي إيني شو أسوي … كنت أدعي والله لروح روحي تطلع

مرات أحس ماشي أمل مولية … إنتوا لو شفتوا مواضعي بشوفون كيف كانت اتيني إنهيارات مب طبيعية ….

في بنات يهمهم الموضوع وفي بنات ريلاااااااكس….

عقب غيرت حياتي .. وخليت حياتي حلوة وايد

خذت دورة إستشارات أسرية 3 شهور
خذت دورة تحفيظ القران والحمدالله أحلى الدورات كنت أقول المكان هذا مبارك فيه
وكنت أدعي الله يرزقني الزوج اللي أتمناه….
كنت أكثر من الإستغفار مب بس نية الزواج لا أفكر في الآخرة واللي الله أعده للمتقين …
كنت أتصدق وأنا محتاجة أو مب محتاجة أتصدق بكل ما فيني …
أزور أقاربي وأتصل ابصديقا
لين ما يا يوم والحمدالله الله كتب لين نصيب وياه وربي يجمعنا إن شاء الله
تراني عشت أحلى لحظات حياتي مب الحين وأنا مالجة لا
يوم كنت أستغل وقت فراغي ابشي ينفعني ….
على فكرة أنا مب اصغيرة أنا عمري 27 ستة …
لا تيأسون من رحمة الله بس بعد عيشي حياتج … بما يرضي الله

صدقج

وايدج 100% وانا مب متزوجة بس كلامج كله في عين العقل نعيش حياتنا ونتهنا فيها ^_^ مع هلنا
وطلعات وييات ووناسه صدقج
واصلن الزواج يباله مسؤليــة

المشاركة الأصلية كتبت بواسطة jameela200