خواتي انا عندي مشكله يمكن شوي غريبه بس ما ادري شو اقولكم
انا عندي صديقه من اكثر من ١٠ سنوات
واااااااااااااايد معايه و هي اكثر وحده مقربه لي تعرف عني كل شي و هي كاتمه ماشاءالله للاسرار بينا و وفيه وايد وكمممم اعصب عليها تتحملني مسكينه وشو اقولكم ..يوم احتاجها دوووووووم تكون موجوده..بتسوي المستحيل حقي..تخيلوا لاي درجه معايه بتوديني المستشفى لو تعبانه و بتترياني عند الدكتور بالساعات و يمكن ترقد في الانتظار كله عشاني!!!!! حبيبتي
بس هي مشكلتها انها عندها وايد مشاكل مع اهلها وااااااااااايد ..هم ع قد حالهم ..وهي وظيفتها وااايد بسيطه و راتبها مايكفيها…ونحن الحمدلله عندنا خير وايد..بصراحه دوم يوم اطلع معاها انا اتشرى وايد هي احس انها تزعل يوم اتشوف اني مستانسه واشتري وهي ما عندها…بس دوووووووووووووووووم دوم دوم اشتري لها اغراض ..
ان طلعنا مكان دوم ع حسابي انا وبالعكس ما اتضايق لانها كاسره خاطري مسكينه مصروفها ما يكفيها مووول وعندها التزامات البلاء
بس صدق فيه اشياء احس انها تحسدني عليها..
مثلا هي في خاطرها تهتم بعمرها من ليزر و جلسات تجميل و هالامور الي وايد غاليا الحين ..وانا بصراحه احبببببببب هالسوالف واحب اهتم بنفسي .. ويوم اهتم بعمري اتم اتقول لو بس عندي فلوووس جان سويت انا بعد اباااااااااا
احس ما اخذ راحتي في هالشي 
..مع انه والله تدرون وايد مرات انا ادفع لها اخليها اتسوي جلسات معايه
هي ما تطلب مسكينه بس جيه لاني اباها اتي معاي ونسوي مع بعض شي
بس صدق فرق المستوى المعيشي احس يآثر ع الصداقه
بعد مثلا لو يستوي لي شي زين ..او الله يرزقني بشي هي احس انها تزعل ما ادري ليش!!
ما انكر انها مسكينه وايد شقت في حياتها مع اهلها ولا زالات فاعذرها وبالعكس اساعدها دوووم واستانس يوم اساعدها
ما ادري شو قاعده اكتب ..
ابا اتروح هالافكار السوده من راسي !!!!!!
بس حبيت افضفض لحد..
ابا اعرف رايكن
ثانيا لا تثقين في اي احد ثقه عمياء ،،
اوكي هي ربيعتج من زمان وعلى قد حالها في نفس الوقت انتي مو مقصرة معاها ،،
يعني حصني نفسج بالاذكار عن الحسد ولا تحسسينها بفرق بينج وبينها لما تكونون مع بعض
وبالنهايه ما فيه بيدج شي تسوينه غير انج تشلين هالوساوس من راسج
لكني الحين اعتبرها زميلة عمل لا اكثر
تعرفين ليش يا اختي
لانها كانت تحسسني اني اقل عنها ..
و انا كرهتها و بيني و بين نفسي اسميها المتكبرة
مع ان احنا نشتغل في نفس المكان و رواتبنا متساوية و اصلا انا ما علي اي التزامات و هي عندها التزامات في البنك و غيره
ما اعتقد ان صديقتج صادقتج على شان مستواج المادي و فلوسج و غناج
ما اعتقد انها تبي فلوس ثمن لتضحياتها لج
ما اعتقد انها بتتخلى عنج لو افتقرتي او لو ما عطيتيها فلوس وقت الطلعات
و اذا انتي ملاحظة عكس اعتقاداتي فليش يا ترى متمسكة بصداقتها !!
و بعدين الصديقة تفرح لفرحة صديقتها و تحزن لحزن صديقتها و اي موقف مخالف لهذا الشي دليل ان الصداقة زائفة
غاليتي 
من الكلام الي تقولينه
هالبنت على خلق وماشاء الله صاينـة العشرة الي بينكم وتغليج
وما اشوف هذا حسد وانما غبط
( الغبطة ) أن يتمنى المرء مثل ما للمغبوط من النعمة من غير أن يتمنى زوالها عنه وحسن الحال والمسرة
الحسد أن يتمنى المرء مثل ما للمحسود من النعمة مع تمني زوالها عنه
يعني هي بس تشوفج تتمتعين في بعض النواحي وتتمناها لنفسها بعد
ومنو منا ما يحب عمره ويحب لنفسه الخير
شي طبيعي نغبط الناس
إذا شفت شي حلو عند غيري أحبه لنفسي بعد بس غبطا ومب حسدا
الي عنده شي حلو ربي يزيده ويبارك له فيه وربي يرزقني مثله أنا بعد استاهل ^^
وبالمثل ربيعتج أختي
لا تاخذين الموضوع بحساسية فقط اتفهمي مشاعرها
وانتي بعد أختي حاولي ما تكثرين من الرفاهيات جدامها احتراما لمشاعرها ^^
وترى كل شي في ميزان حسناتج ومبين عليج انج انسانـة خلوقـة وحبوبة
فقط أحسني الظن والله بيجازيج كل خير ان شاء الله ^^
وانتي اذا فعلا اتحبينها
ادعي لها في ساعات الإستجابة تتيسر أمورها
وانصحيها تسوي بزنس وساعديها تفكر بمشروع يرفع من دخلها
وانصحيها تستغفر وتتصدق لإن هالاثنين سبحان الله لو كانت أفقر الفقراء أغناها الله ان شاء الله
والله يرزق الجميع
موفقه
انا اللي ما اعرفج ولا اعرفها بس حسيت حراااااااام !!!!!!!!! ليش جي تقولين !!!!!!!
تعرفين انتي وحده من مليون شخص عندج هالربيعه اللي تحبج موت .. بس غيرج يتمنى
واللي عنده خير وبيزات عمره ما قال انا عندي وانا سويت واشتريت
تتحرينها تباج عشان بيزاتج !! ما اظن انها بتذل عمرها لهدرجه ^^ وخصوصا انها ابد ما تطلب ع قولتج
ع العموم الله يشفيج