حبيت اني ادردش وياكم عن موضوع مهم و منتشر .gif "12 (75)")
و من كثر ما يقهرني هالشي .gif "12 (46)")
قررت اني اكلمكم فيه و اعرف رايكم و ردودكم
من خلال علاقات العمل الكثيرة و علاقاتي العامة و حتى تعاملي ويا الناس في اي مكان
لاحظت شي وااااااااااايد يقهر و خاطري اعرف ليــــــــــــــــــــــــــــــــــــــش هالاسلوب .gif "12 (53)")
لـــــــــــــــــــــــيش في حريم يوم تتعامل ويا الريال تكون ألطف كائن بالدنيا و طيبة و خدووووووووومة جدا ومافي مشكلة ال ولها حل عندها
ويوم تتعامل ويا حرمة شراتها تتناذل و تكون لئيــــــــــــــمة و تتعامل بسواد قلب وياها
ليــــــــــــــــــــــــــــــــــــــــــــــــ ــــــــــــــــــــــــــــش ؟؟؟؟؟
هذا السؤال انا اوجهه لكل انسانة تتصرف بهالطريقة … ليش ما تكونين مساندة للحرمة اللي مثلج
ليش ما تفهمينها اكثر و تحلين مشاكلها اكثر
تراج حرمة و بتفهمين اسلوبها
ليش تتعاملين بأسلوب حقد و غيرة وياها … بدل ما يكون قلبج طيب وياها و تكون مثل اختج
تتوقعين ان هالشي بيلفت انتباه الناس لج و بيقولون عندج كونترول و ما عندج تمييز!!!!
اسمحيلي اقول لج انت واهمة … لأنج بتكرهين الناس اللي حولج فيج و بتخسرين احترام الكل
.gif "12 (96)")
ليش يوم تكونين مسؤولة على حرمة تحمليها اكثر من طاقتها
ليش تتعمدين انج تجرحينها و تحسسيها انها ما تفهم شي و ان وجودها و عدمه واحد
ليش ما تعطينها التقدير اللي تستاهله و تخليها تتمنى لو ما كنتي مسؤولتها؟؟؟
و انتي يلي فالمول .. ليش تطالعين الحرمة بطريقة ما فيها ريحة الاحترام و مافي احلى عن ابتسامتج في وجه حد ثاني؟؟
و حضرتج يلي تسوقين فالشارع… يوم تشوفين حرمة تبى تعدي الشارع ما تعطينها مجال
ويوم تكون حرمة تبى تاخذ الطريق منج و باستئذان تتناذلين و تدوسين عسب ما تاخذ اللاين
و مافي احلى عنج يالخدومة و المتواضعة يوم يكون ريال بدل هالحرمة تعطين الطريق و تخليه مب بس يعدي الشارع لا و يتمشى على مهله
لا مضايقة ولا شي
استغرب هالنوعية من الحريم صدق استغربهم
انزين ليش؟؟ شو بيستوي بج لو كنتي زينة ويا الكل
ليش هالاسلوب اللي ماله داعي
يعني انا صدق مقهورة من هالناس … ليش التمثيل و انج مافي احلى عنج جدام الرياييل
و ويا الحريم قليلة احترام و اسلوبج سيء
احب اقول لكل وحدة من هالنوع عـيــــــــــــــــــــــــــب علــــــــــــــيج و صدقيني ما بتكسبين ثقة و لا احترام حد من حولج بهالطريقة
راجعي نفسج و غيري اسلوبج اللي بيخلي الكل يشرد من حولج .gif "12 (33)")
صالحي نفسج و راضيها و ابتسميلها عسب تكونين صادقة وياها و ويا الناس
و حبي نفسج بالطريقة الصحيحة حتى الناس تحبج .gif "12 (97)")
بانتظار ردودكم و اراءكم
.gif "12 (45)")
ما نقول غير الله يهديهم
الله المستعان