اخواتي شحالكم
بغيت اسأل كيف تتعاملون مع فئة الي تغار بالدوام
انا وحده نيتي الطيبه وطيبتي الزايده ضيعتني بالدوام
ولكن اواجه من موظفه كانت ربيعتي وفجاه جلبته عليه
المهم لو فصلته عبي صارت تترمس عليه ويته تجول ليه اوه عبااه يديده!!!!!!
لو متنة اوه متنانه او ضعفاانه !!!!!!!!!!!!!!!
لو حد رمسني تنقهر!!
لو نجحت بموضوع او مهمه تعالواا شوفوا الحسد!!!!!!!!مستحيل تمدحني بس تذم!!لدرجه تخلي واحد يشك في نفسه.
اهي مب من النوع الي يسوي العبي وايد بنادر تفصل المهم
يوم سوته ما اهتميت ولا من النوع الي يسأل
جان تي لمكتبي وهذا مب اول مره ,تجول فلانه عباايتي اوكي !!!!!!!!!!!!!!!!!
جان ارد عليه هيه وحلوه بعد تبارك الرحمن
المهم صارت تسوي عبي وتي صوبي وتورييني !!!!!!!!طيب بالعافيه يا عمري ما يهمني حد اهم شي ارضي روحج مب رضا الناس
اهي من النوع الي تغار وللاسف عرفته متاخر ولكن رغم كل شي اقول لا طيبه
المشكله اسلوبها وقح واسفه ع الكلمه
تغار بشكل مو طبيعي
عادي تألف كلام
بالاضافة انهااا تراقبني وتروح توصل لناااااااااااااس!!
شوفي فلانه يابته جذي وجذي
والحل
وتسوي حركاته مالهااا داعي
انا اطنشهاا وساعات ارد عليهاا بضحك وسوالف ما ابلعها خير شر
وسبحان الله كشفته عندها نقص بالحياااه فتحاول تلف انظار الجميع لها ولكن الكل بلوك مسوين لها
فالحين المتبع وياها التطنيش
والحجران
والبروده والهدووء
والضحك ولكن رافضه تخليني ابروحي
!!!!!
اعطوني الحل يا حبيباتي
هاي نفسيات مريضة و تعبانة… ما ترتاح و لا تريح اللي حواليها
الله المستعان
نصيحتي لج ،، اذا هي مب ف قسمج يوم تيي عندج المكتب عطيها كاش ف الويهه ( يا فلانة انا مشغولة تعالي بعدين ) او تمي ساكته و سوي عمرج تشتغلين ولا تردين عليها
شوي شوي بتطفر وبتسير مكتبها
حاولي قدر المستطــاع الإبتعـاد عنهــا لأنها بتأذيج و بتتعب نفسيتــــــــج وايد
الله المستعااان الحجران يقطع المصرااان.gif "12 (47)")
ولا تخلين حد يستغل طيبتج
كل شي له حد فوقفيها عند حدها ،،
سبحان الله وبحمده ،، سبحان الله العظيم