بنات حبيت اليوم احكيلكم قصة تعور القلب،، قصه صديقتي مع أمها،، كل ما شوف هالبنت قلبي يعورني
السالفه هي ان أمها ماتحبها أبدا ماتهمها ولا اتفكر فيها حتى لو مريضه ما اتقوللها سلامتج،،
من يوم هي صغيرة وهي اتشغلها مثل الخدامه تغسل الثياب لكل البيت واتنظف بالمكينه وتغسل الصحون ،، لين اتقطعت ايدها من الحساسيه،، كانت البنت دائماً اتصيح طول الوقت لدرجه ان الصداع النصفي عمرة ماخلاها بس مع هذا أمها ما رحمتها،، في طفولتها كانت اتخشها عن الناس ترميها في غرفة أختها الكبيرة واتقول ( خوزيها عن وجوه الناس هذي) ماكان فيها شي لا معوقه ولا مشوهه بس لانها اسمر وحدة في خواتها ،، وخلوها تتمنى الموت وهي طفله صغيره ولين اليوم تتمنا الموت صار عمرها تقريبا 24،،
مابا أطول عليكم بس أبا رايكم في الموضوع وسؤال مهم سألتني ياه هالبنت مااعرف إجابته اذا حد يعرف ايخبرني
( هل الله سبحانه وتعالى يحاسب الام على ظلم اعيالها مع العلم انهم بارين لأقصي الحدود؟)
مطيعه ورقيقه وطيبة وتهتم ،، والله ان البنت ماشي منها ومتفوقه بدراستها بعد بس شو انقول؟
غير الله يهدي أمها انشالله ادعولها*
الله يصبرها ويهدي أمها
المحبه في القلب ما نقدر نتحكم فيها
بس العدل لازم نعدل بين العيال
ومشكورة ع الدعاء
ويعين البنت…
سبحاان الله ياخواتي بر الوااالديين شي عضييم اجرة فالدنيا ولاخرة..
سبحان الله لو الوالدين كانوا على معاصي او كفار او حتى مشركيين الواجب علينا طااعتهم فالمعروف اذا كان مايخاالف الشرع قال الله تعالى"ولو جاهداك على أن تشرك بي ماليس لك به علم فلا تطعهما وصااحبهما فالدنيا معروفا"
سبحان الله هذي الايه فيها فيها امر ونهي..
النهي في عدم اطاعت الوالدين في امور تخاالف الشريعة..
والامر مصاحبه الوالديين في الدنيا من ناحية البر لهم..
والله يصبر البنت ولها الاجر من رب العالميين اذا صبرت واحتسبت والله يهدي جميع امهااات المسلميين..
الله يهدي بعض الامهات مايعرفون يتصرفون مع عيالهم
مما يؤدي لكره الطفل نفسه واهله!
بس الحين صديقتك صايره كبيره
قولي لها الله يحبها وهذا افضل من حب الام
لان الله ارخم بالعبدج من امه والطف بالعبد من امه!
دام حطها في هالامتحان الصعب مع امها الله يحبها
ويريدها تتقرب مه اكثر
خل تكثر الدعاء لامها ان ربي يهديها وتسامح امها
وربي راح يعوضها بالدنيا والاخره
لا تيأس ولا تقنط من رحمه الله
تكثر الدعاء والله في السماء سامع وشايف
الله يوفقها