موضوع كنت حابة اكتبه من قبل لكن دوم اتكاسل اني اكتبه لكن اليوم قررت اني اكتبه والموضوع يتكلم عن علاقة الأم بأولادها..!
حابة أنوه ان في مجتمعنا وايد امهات هاملات اعيالهم ومدري شو هي الاسباب الي تدفعها جي تسوي هل عذرها انها تشتغل او عذرها انها تدرس او عذرها ان ريلها موجود او عذرها ان العيال كبرو وخلاص خلصت مسؤولياتها وان الي عليها سوته والباقي عليهم, تتوقعون هالمبررات منطقية أتوقع الكل بيوافقني الرأي وبيقول مب منطقية اوك دام انها مب منطقية فشو عذرها الأم شي بناات جي اعمارهم بحدود 10 الين 15 سنة يطرحون مواضيع في مدونة متنوعة عن مثلا الشعر يقولون نقدر نشل شعر الشنب او غيره او شعر من اماكن حساسة فغالبا الردود تييلهم ع هالاشكال حبيبتي اسالي امج وهي بتخبرج حبيبتي بدال ماتسالينا اسالي امج والبنت شو ترد عليهم تقول اقول لامي لكن امي مب مهتمة بالموضوع وبعض الاحيان البنت تكون مستحية من انها تخبر امها ليش يا امهات ليش ليشم اتتقربون من عيالكم اكثر وتعرفون الي يبونه والي مايبونه ليشم ب انتو من نفسكم تخبرونهم بهالاشياء وتعلمونهم اذا انتو ماعلمتوهم فمنو بيعلمهم صح فيه ناس البركة فيهم ينصحون البنت ويكتبولها حلول لكن من الاولى ان ينصحها ويفتحها ع هالدنيا منوو غير الام وشي بنات يعانون من مشاكل في المدرسة مثلا البنات يشتمونها او يضربونها والبنت تتعقد وتكره نفسها وتكون في حالة اكتئاب فليش مانحنا نتابع بناتنا بالمدارس اول باول والكلام ينطبق بالمثل للولد يعني من حقج يالام من انج تتقربين من ولدج وتعرفين شو الي يبيه وشو الي مايبيه علميه ان دوم يفتحلج قلبه عوديه يخبرج كل الي يصير وياه شي اولاد الله يستر عليها يخافون من اهلهم لكن في نفس الوقت يسوون الغلط وهم صغر فمنو المسؤول انا عن نفسي مابلوم الولد بلوم الام لان هي الاساس في حيات ولدها وهي الي تقدر تكسب ولدها وتمشيه ع الصح وهي الي تضيعه.
وبس مابزيد شي ع الي قلته صح اني مب متزوجة ولاني ام لكن من حقي اوصل هالرسالة لكل الامهات الي منشغلين عن اعيالهم واحب اذكرهم بالحديث النبوي ((كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ)) يعني بتتحاسبون يوم القيامة على عيالكم فاتقوا الله في عيالكم. وأحب اشكر كل ام شاركت ولدها بالافراح والاحزان وكانت له الام الحنونة والمعلمة في كل الاوقات.
والسموحه لو بدر مني أي غلط اختكم بنت سالم
وانا أستغرب لما تكون بنت بأول حياتها الزوجية وتسأل اسئلة ويفترض أول شخص تسأله هي الآم
عن نفسي عانيت ببعض الآشياء وانا بسن صغير لآنني كنت اطرح سؤال علي أمي
بس تزوجت وأنجبت كسرت هذا الحاجز مع عيالي والي الآن أصبحوا شباب وانا صديقتهم الآولي والآخيرة وليس بيننا حواجز او خجل او منقود
المطلوب من كل فتاة عانت من هذا الآمر تغيرة حين تصبح أم لكن للأسف بعض الحريم تكرر مع عيالها ما عانت منه وكأنه أرث ههههههههههه
الله المستعان —-
انا عانيت من امور وسببها ان امي منشغله بس بشغل وماتعرف لي كبنت
يعني مب وايد تسال عني بس تحبني ساكته
ويوم كبرت هذا انعكس علي في اشياء
كان مفروض تسالني عنها او تساعدني فيها
بس لا
والناس من حولي يلومونها بس في الاخير يوم كبرت الملامه صارت علي انا
عشان جي دوم اقول في المنتدى ان لازم تعلمون عيالكم يتكلمون ويقولون شو بخاطرهم ضروري
ياما في عيال يمكن كان لهم مستقبل وبسبب اهمال الاهل ضاعوا الى الابد
UP
العلاقة اللي تبنيها الام ويا عيالها شي مو سهل ابدا
لان مو شرط الام تكون مشغوله عسب ما يكون في علاقة
ممكن الام فاضية ويالسه حوالين عيالها
لكن مافي هالرابط والحوار بينهم