السلام عليكم و رحمه الله و بركاته ، صباح/مساء الخير لكل السيدات 
..
..
بدون مقدمات
من وأنا صغيرة ما أداني التجمعات و الحريم و العزايم وهالحشره ، و أهلي خلوني ع كيفي ، ألحين وصلت 17 سنه و أحياناً اضطر أطلع وأجابل الحريم ، المشكله أني مب متعوده ع الشي و بسرررعه يحمر ويهي و أتوتر 
.. شووو أسوي ؟ كييف أتغير و أستوي سنعه 
الله يستر عليج
فديتها الخجولة 
عادي اختي معظم البنات في سنج يستحون او تكون علاقاتهم الاجتماعية محدودة لانها تعتبر امتداد لسن المراهقة
ما عليج انتي بس حاولي تزيدي علاقاتج الاجتماعية بالتدريج
عادي اختي معظم البنات في سنج يستحون او تكون علاقاتهم الاجتماعية محدودة لانها تعتبر امتداد لسن المراهقة
ما عليج انتي بس حاولي تزيدي علاقاتج الاجتماعية بالتدريج
عليكم السلام ورحمة الله وبركاته
اختي الغالية رمش الغلا … للأسف كثير منا يعاني من نفس هالمشكلة ..
الأهل يعتقدون اننا نكبر وتتغير شخصيتنا تلقائيا وهذا للأسف وهم خاااااااااطئ حسب تجربتي الشخصية .. انا الحين حرمة ومعرسة من كم من سنة ومازلت خجووووووولة واتوتر من التجمعات !
يا اختي الصغيرة نصيحة أخت مرت بنفس ظروفج لا تهملين نفسج لانه كل ما كبرتي كل ما ساءت الحالة للأسف ..
لازم تسويلج برنامج اطورين شخصيتج فيه مب شرط مع الحريم الكبار ممكن يكون مع بنات من سنج وشوي اكبر عنج وبالتدريج دربي عمرج واسمعي محاضرات عن تطوير الذات وقوة الشخصية وممكن تسوين جلسات عند دكتورة ممكن تسويلج خطة لتطوير شخصيتج
والله يوفقج حبيبتي .. خبريني عقب شو سويتي 🙂
اختي الغالية رمش الغلا … للأسف كثير منا يعاني من نفس هالمشكلة ..
الأهل يعتقدون اننا نكبر وتتغير شخصيتنا تلقائيا وهذا للأسف وهم خاااااااااطئ حسب تجربتي الشخصية .. انا الحين حرمة ومعرسة من كم من سنة ومازلت خجووووووولة واتوتر من التجمعات !
يا اختي الصغيرة نصيحة أخت مرت بنفس ظروفج لا تهملين نفسج لانه كل ما كبرتي كل ما ساءت الحالة للأسف ..
لازم تسويلج برنامج اطورين شخصيتج فيه مب شرط مع الحريم الكبار ممكن يكون مع بنات من سنج وشوي اكبر عنج وبالتدريج دربي عمرج واسمعي محاضرات عن تطوير الذات وقوة الشخصية وممكن تسوين جلسات عند دكتورة ممكن تسويلج خطة لتطوير شخصيتج
والله يوفقج حبيبتي .. خبريني عقب شو سويتي 🙂
ماعليه الغالية سلمي ويلسي وسولفي وكل سوال جاوبي حاولي مع صديقاتج او قريباتج
تكونين اجتماعية اكثر
عادي يالغالية , فترة المراهقة كنت مثلج استحي ادش ع ميلس مليان حريم واتم يالسة ويا البنات …
وكنت اسلم ع الحريم لما يدشون او لما يمرون الصالة
او كنت اخلي حد يدش قبلي وامشي وراه
وكنت اسلم ع الحريم لما يدشون او لما يمرون الصالة
او كنت اخلي حد يدش قبلي وامشي وراه
بعدين خلاص تعودت اقعد معاهم , ومب لازم تسولفين ردي ع السؤال بس
وحبة حبة بتتعودين وانتي بروحج بتسولفين وبتفتحين مواضيع 
موفقة