إشحااااالكم …
عندي مشكلة ويا بنتي ،، بالكي جي 1 ما تحب المدرسه ،،كانت إتسير عاااادي وإدااوم ومستااانسه … وأحيااانا إتقولي : ماما إتأخري عليه ! ..وماشاءالله عليها متفوقه وشاااطره .
وألحين وفجأة ما أدري شو ياها ؟! .. من تنش الصبح صياااااااااح ما تبا المدرسه ،، حاولت ويااها أفهم شو السالفة " بالزين " لكن ما في فاااايده ؟؟؟ تكلمت وياا مدرستها اللغة العربية ، قالت لي البنت لااااازقه فيني وماتبغي تحضر حصص الإنجليش ؟؟! أممم فهمنا اللغز يعني المشكلة إحتمال إتكون ويا مدرستها الإنجليزي ،؟ سويت ويا ها جلسة جدااام بنتي ويلسنا نتنااااقش ، ،، ومااافي شيء .. وحليهلها المس زيييييييييينه ..
المهم كملت بنتي تقريبا طوول الأسبوع في البيت … قلت مااافي فاااايده " سندرت راااسي من الصيااااح "
وألحين الموضوع ما ينسكت .. قمت أوديها المدرسه وأيلس وياها شوي وشوي شردت عنها … وماااشي إتصااالات المدرسة ماااتوقف : يا أم .. بنتج تبغي إتكلمج : ماما لااااا تتأخرين أبغيييييييييج …
وعلى هالحااال .. واليوم حضرتها ميلسه ما تبا إتسير …
للعلم : سويتلها مكااافأة عسب يوم تسير المدرسة .. وسويتلها هدية … عسب أشجعها ….
ومااااااااااااافي فااايده …
إسمحووولي طووولت عليكم ،، بس والله من القهر ماا أعرف شو أسوي وياااها ؟؟؟
ياااليت اللي عندها نصييييييحه مجربة إتفيدني …. على فكرة صياحها موب صياح دلع ؟؟؟ لا صيااااحها يبدأ من الليلة تفكر للباااجر ؟؟! وتتلزق فيني من أدخل المدرسة .. يعني شيء مووووووووووب طبيعي …
وساااامحوووني على الإطاااله …
او ممكن تكون المدرسه بس لأنك موجوده بنتك مطمنه
حاولي مع البنت انها تتكلم معاكي كانك صديقتها واتكلمي معاها طول اليوم يمكن تتوصلي لشيء
وإذا ما عرفتي شي خذي رايها في تغيير المدرسه وشوفي النتيجه
يمكن حد من اليهال يضربها ويقولها اذا ييتي بضربج والا اذا خبرتي عليه يا ويلج
ولا حد من الشغالات اللي في المدرسه
مب شرط المدرسات يالغاليه
يمكن عمرها صغير
والسنه اليايه غيري المدرسة يمكن اسلوبهم ما يجذب الأطفال