شحاالكم ؟؟ وشخبااركم؟؟
انا طالبه ثاني سنه وتخصصي هو اديوكيشن
المهم نحن نظامنا كل سمستر انسير مدارس عشان الTeaching Practice
يعني للحين سايره 3 مرات والاحد الياي بسير مدرسه خاصه
المهم
من ال3 مرات الي سرت فيهم مدارس حكوميه
في شي كنت وااااايد اكرهه واتضااايق منه
وهو وقت الفسحه !!
احس هالوقت وقت ضاااااااايع مو منظظظظظم
يعني مثلا يدق الجرس .. كل الطلبه يركضوون يسيرون السااحه ويصطفوون عشان يشتروون من المقصف
وللأسف الي يستوي انه تخلص الفسحه ومو كل اليهال اشتروا لاسباب متعدده: الكباريه ظربوهم وردوهم ورا او الطابوور طوييل بزيااده
يعني الفسحه كلها هم واقفين يتريون الطابور ؟!!
يعني ليييييش
والله البديييييل واااايد سهل وانا مب فااهمه ليش بعدهم على هالنظاام
يعني شو بيستوي على المدارس لو دق الجرس وتمو اليهال في الصفوف واييهم الاكل ويشترون وياكلون وهم في الصف والله ما ياخذ الا 10 دقايق وكلهم يخلصون نفس الوقت كبار وصغار
وعقب يسيرون يلعبون في الساحه ويا لييت تكون في العاب عشان اليهاال حرااام والله في طوور نمو العضلاات حراام جي يتموون بس يراكضون ولا يمشون بدون اي هدف !!
بليييز شاركوو باراائكم .. ابا اعرف الي يالسه اقووله صح ولا غلط ؟!!
واذا غلط ليش ما نتخذ قراار؟!!
حراام والله حراام عيالنا يتمون جيي وقتهم ضااايع عالفااضي
والحكومية == بعدها على قولت عبدالحليم د ئة اديمة ==دقة جديمة
دام وراها فلان
حل للمشكلة = يمدحون اللانج بوكس واييبون اكل من البيت لانه صحي
ومن خلال دراستي عرفت الفرق بين الخاصه والنموذجيه و(الحكوميه = عيال البطه السوده )
القهررر انه التغيير واايد سهل وااايد
بس القهر انه للحين للاسف مافي تقدير للوقت
صدق والله اهماال
وانا ما ابا بس اتكلم
ابا حركه وتفاعل وان شالله نحن بنقدر انغير مدارسنا للافضل
للحين مافي ولا تفاعل من مدرسه؟!
محد من المدرسات ردو علي؟!
انا ما اجبركم تقولون كلامي صح الي اباه بس مجرد رأي .. اتشوفونه عادي ولا ؟
انا ما اشوفها صعبه
حل بسيط انه الحصه الثالثه اييون العاملات ويحطون الكراتين جدام الباب واول ما يدق جرس الفسحه بس باقي المس تساعد الطلاب انهم يشترون وتروم اتسويه في جروبات او حتى اتخيلي الطلاب الي هي واثقه منهم يساعدونها
يعني بكل بساطه كرتون عصير + كرتون جبس + كرتون حلاوه جدام الباب ويكون الكرتون منوع وبيخلص تراه لانهم بيشترون… انا ما اقول انه هاذا الحل المثالي بس على الاقل احسن عن طابور متكون من تقريبا 600 طالب وكلهم يبون يشترون وياكلون
مب احسن عن 600 يصطفون في نص ساعه!! اتظنين بيكفيهم الوقت يشترون وياكلون؟!! غير التكفيخ والكبار يشترون واليهال حلييلهم ورا لانهم خايفين من الكبار
الامر كله يباله تعاون من المدرسات وما بياخذ اكثر من 10 دقايق !!
وشكرا على مشاركتج ..
بس تنفيذها يباله تفكير و وقت و ايدي عاملة
بس الموضوع يباله جديه وتعاون من المسات واعاده توزيع