استفسار عن المدارس الخاصة

وجزاكن الله خير

الموضوع جاد اخواتي وينكككككككككن

انا راح اتكلم من عن خبره لكن راح اتكلم كولية امر و شنو الشغلات اللي احب انها تكون موجوده في مدرسة اعيالي, و ان شاءالله عاد معلوماتي البسيطه تفيدج.

– ما هي اهم المرافق اللي تكون في المدرسة بالأضافة للقاعات الدراسية ومكاتب الادارة؟؟
احب يكون بالمدرسه,مسجد و هذا اهم شي, غرفه مخصصه للكمبيوتر, غرفه للأعمال الفنية, اذا امكن حمام سباحه , مكتبة طبعا أساسية, ملاعب كرة القدم و السله و التنس.

– كم عدد المعلمين في المدرسة وكم تكون رواتبهم ؟
عدد المدرسين يعتمد على عدد الفصول اللي ناويه تبدين فيها, يعني القرار لج. لكن اللي اعرفه انه لكل فصل كي جي 1 أو 2 مدرستين و مساعده واحده( مدرسة انجليزي, و مدرسه للعربي)
الرواتب عاد سئلي اهل الخبره.

– ما هي اهم الخدمات اللي اقدر اوفرها للطلبة والى اولياء الأمور؟
ممكن توفير دروس تقويه مجانية للطلبه الضعاف في ماده معينه.
ممكن توفير تدريب على انشطه معينه و بأسعار مختلفه, و من هالأنشطه, السباحه, الكاراتيه, الرسم, الكمبيوتر, كرة القدم, اللغه الفرنسيه, تحفيظ القرآن, التنس.
ممكن تخصيص يوم للأنشطه و مسابقات, يعني مثل يوم مفتوح و الأهل يشاركون
يوم معين الأهل يحضرون فيه المدرسه و يشفون اعيالهم في الفصل و اشلون طريقة التدريس و تفاعل عيالهم مع زمائهم و المدرسه.

هذا كل اللي عندي و انشاءالله اكون جاوبت على بعض اسئلتج.
الله يوفقج مره ثانية

معلوماتك وايد راح تفيدني يزاك الله كل خير

وبعدني انتظر الخبيرات ؟؟؟

المرافق والديكورات .. أنصحج بزيارة عدد من المدارس عشان تشوفين الأنسب ..

المعاشات على حسب الشهادة .. يعني 10 الاف .. مناسب اكيد حق كل حد . والراتب للادارة يكون أعلى بشوي ..
مع مراعاة نوع المنهج لان اعتقد كل منهج مختلف فالتدريس واسعار الراتب.

دمتي بود ..