الوجبــــــــــــات المدرسيه

الصراحه وزارة التربيه لازم تعين دكتورة تغذيه وتشرف على وجبات المدارس… ويندفع رسوم شهري بحيث ان الوجبات تتوزع على الطلاب اضمن … عالاقل نطمن ان عيالنا كلوا لا نحاتي بيزاتهم انسرقت والا الاكل مب نظيف او مب صحي …. والحين انا عيالي صغار ممكن ياخذون الاكل وياهم بس يوم بيكبرون بيستحون وما بيحبون انهم يشلون من البيت … الحمدلله معودتنهم انهم ما يطلعون بدون ريوق

.بخصوص الريوق ,, أنوع لهم عشان ما يملون:

-كورن فليكس مع حليب ,,أو شوفان بالحليب ,, أو سندويتش جبن مع بيض مسلوق +كاس حليب

((المهم لازم ادخل الحليب في ريوقهم ))

وجبة المدرسه:
-سندويتش جبن ,, أو لبنه بالزعتر اوبالزيتون ,, سندويتش نوتيلا مره فالاسبوع لاني ما احب انهم ياكلون كاكاو وايد ,, زبدة الفول السوداني مع عسل

+ عصير نكتار لاكنورأو المراعي أو العين أو حليب السعوديه + ماي

وضروري اي نوع من الخضار او الفواكه((جزر من الصغار ,,, أو خيار ,,, أو برتقاله ,, أو تفاحه ,,,أو عنب ))

+ حبة كب كيك منزلي ,, أو بسكويت