اشحالكم يميع ربكم الا بخير
بنات انا عندي بنت بالصف الثالث
وعندي ولد بالصف الثاني
كيف ممكن نخلي اعيالنا يحبون القرأه والمطالعه
شو الطرق والاساليب الي ممكن تحببهم بقرأ القصص
مع اني يبت لهم قصص بس ما قروهن
الي عندها فكرة او طريقه
تحبب عيالنا بالقرأ ياليت تقول لنا
وان شاءالله يستفيد الجميع
ودي يكونون اعيالي عندهم حب القرأة والمطالعه
انتظر تفاعلكم V 1,88$
و ثاني شئ تشترين لهم قصتين متشابهتين بس تكون اقل من مستواهم في القراءة و تقولين لهم اللي بيقرأ و يخلص و بسأله و يعرف يجاوب له هدية حلوة و الأفضل تخلين الهدية من المكتبة و هم يتنقونها ..
اذا عندي افكار ثانية برد عليج 
بصراحه انا يبت لهم قصص
بس فكرة قصتين متشابهات ما فكرتها
عجبتني ان شاء الله بسويها لهم يمكن التنافس
ما بينهم يجذبهم للقرأة
مشكورة الغاليه وماقصرتي
اشتري لهم قصص ومجلات وخليهم يقرون وانتي بعد دربيهم عالقراءة الصحيحة
ممكن تفتحين مواقع فيها قصص مصورة
اختي سوي في الاسبوع يوم او يومين كل واحد من عيالج يقرأ فيها عليكم قصة وانتي وبو عيالج بعد ايي عليكم الدور وعقب ما يقرا القصة تكافئينه جدام الكل وتحطيله نقطة في دفتر او ورقة تصممينها واللي بيجمع اكبر عدد من النقاط بيكون له جائزة اكبر وبجيه بيحبون يتفاعلون ويا الاسرة وفي نفس الوقت خليتيهم يقرون
اختي الكبيرة كانت تجمعنا قبل ماننام وتقرا علينا قصص الانبياء واذكر كيف الكتاب (بني صغير ومتين) اخوي الله يحفظة مستعيرنة من مكتبة المسجد كان عمرة 8سنوات ونحن 3بنات 9سنوات و وانا10و الي تحكيلنا كان عمرها11 واكثر قصة لفتت انتباهي قصة يوسف عليه السلام وكل ماخلصت قصة نقرا غيرها تذكر شهرزاد وشهريارخخخخخخ