ولدي في كيجي تو ولين الحين ما قادر يميز بين الحروف يعني يعرف يكتب بس ما يعرف الحرف اللي كتبه شو؟؟
ابغي اقويه في هالناحية وابغيه يحفظ الحروف ويميز بينها
ياليت اللي عندها اولااق عمل ممكن تفيدين تحطيها
ومشكورين مقدما
وفي انتظار المساعده
1- يربط الحروف بشي:
لازم تعلمينة أنه كل حرف يربطه بشي علشان على طول يعرف شو هالحرف، قبل بيحفظ بالشكل بعدين بيعرف يقراهن، يعني مثلا"
اسمه محمد<<<<<<قوليلة حرف (الميم) حرفك….وين هالحرف؟! وخلية يدور…
وعلمية باقي الحروف بهالطريقة، يعني أ حرف بابا، خ حرف بنت خالك خلود…وجيه…لين ما يعرف يربط الأشياء بالحروف.
2- قصة الحرف.
كل يوم اقري له قصة ، قولي له اليوم قصة حرف السين وأنتي ألفي له قصة مثلا" قصة حرف "السين" قولي له
"سعيد سائق سيارة سريعة,….." وكملي كمن جملة فيها حرف السين وخلية يطلع حرف السين…وجية، وكل يوم حرف لين ما يتعود.
وهنا قصص جاهزة
والبقية في هالرابط
https://zmzm.net/vb/showthread.php?t=25554
3- المراجعة المستمرة والألعاب:
اهم شيء وين ما يروح اتمين تراجعين له وادرسينه، يعني تمي دوري وياه في الجريده عن الحروف، شاف لافته قولي له هذا اي حرف، حتى على الشبس اللي ياكله…
وفي ألعاب ممكن تساعدة نفس هاللعبة
https://www.baraem.tv/fun-and-games/alphabet/
وأن شاء الله استفدتي