أنا عندي سؤال
بنتي عمرها 3 سنوات و شهرين
ياخذونها روضه ف المدارس الخاصة بس ف الحكومية لازم تكون مواليد شهر 4
المهم
أنا قلت بدخلها حضانة هالسنة عشان تتعود على الروضة السنة الياية
دخلتها أكاديمية الصغار في مدرسة دبي الدولية بس بصراحة وايد وايد استغربت منهم
يعني هم عندهم أطفال من عمر سنة ونص لين 4سنوات
ومقسمينهم على ثلاث صفوف
على كل صف مدرستين بس
أنزين
أنا وديت بنتي من اسبوع بس
وهي من النوع اللي يتعقد بسرعة
يعني من اسبوع كل ماييب طارئ ألحضانة البنت تسكت وما تكلم حد وتقعد تفكر
واليوم اول مادشت الحضانة سخنت على طول
هم سياستهم انه بما نهم بعدهم صغار ،الام لازم تقعد مع ولدها اسبوع كامل لين يحس بالأمان و بعدين شوي شوي تبتعد عنه
أنا من ثاني يوم شلوها عني وقالولي اروح خلاص والنبت تصيح تباني بس ماخلوني أروحلها
قلت يمكن هالشي ف مصلحتها
لما رجعت الكلاس بعد ساعتين لقيتها عند الفليبينية و هي موجودة حق التنظيف و هالسوالف بس يعني مش مؤهلة أبدا
سألتهم ليش معاها قالولي لانها مارضت تسكت الا معاها ونحن لازم ندرس باقي اليهال
أنا سكت بس جد عصبت
اليوم قررت أني اقعد معاها فالكلاس لين تخلص عشان عالاقل تتعود عالمكان
الصدمة الكبيرة
انه اليهال اذا شيطنو ما يتحملون يصرخون عليهم و يعطونهم العين الحمرة
و ف كلاسها شي يهال من عمر سنتين لين اربع
اذا كل اثنين كلمو بعض يسكتونهم واذا لعبو مع بعض قعدوهم
تصدقون انه ف كلاسها محد يعرف الثاني وهم مكملين شهر
ما عندهم وقت حق اللعب
يعني اليوم لما ودوهم قاعة الجم يعني أونها قاعة العاب
يلعبونهم بالدور واحد يلعب يخلص يقعد و عقب دور الثاني
استغربت ليش جي
أنا بنتي كيف بتكون صداقات جي
يعني هي طول عمرها معاي وحياتها لعب
المفروض اولا ما يجبروني اودرها لانها بيئة يديدة عليها وهي بعدها صغيرة
وثانيا المفروض يلعبونهم ويدرسونهم لين شوي شوي يتعودون عالدراسة مؤ فجأة دراسة و تشديد وحالة
أنا سؤالي
هل أسلوبهم صح ولا؟
وهل المفروض بعمر الثلاث سنوات جي يعاملونهم؟
و هل باقي الحضانات التعليمية ها أسلوبهم ؟
والروضة كيف تعاملهم مع الصغار في اول الايام ؟
وثانيا البنت كل مايبت طاري المدرسة خافت قامت ترتجف
أنا خلاص طلعتها من ألحضانة لأني شفتهم اليوم يصارخون على اليهال الشياطين و هالشي غلط يعني المفروض بما انهم مؤهلات يعرفون كيف يتعاملون مع كل نوع من الاطفال
مب يوردون بنتي عند فلبينية بس لانها سكتت معاها
فيني غصة والله والبنت قامت تتلخبط في كلامها من دخلتها و كل شوي تسألني اذا احبها ولا
بس خبروني هل ضروري أني أوديها حضانة قبل الروضة عشان تتعلم ولا أتريا وأدخلها الروضة
واشتــــــــــكيت عند بو راااشد بالاذاعه …………………..
الحضانة تعبانه
الاطفال لازم يقسمونهم على حسب عمرهم (بالكثير فرق سنة،، وافضل الحضانات كل ست شهور صف)
اقل من سنة بروحهم
من سنة لين سنة ونص او سنتين بروحهم
وعلى هذا المنوال
والتعليم يكون عن طريق اللعب
اذا فتحوا فصول دراسية تبلغين وزارة الشؤون الاجتماعية لأنهم خالفوا القوانين
بالكثير يعطونهم الارقام والحروف بشكل كبير ويلونونه بس،، ومايطلبون منهم يكتبون،، لكن ممكن يقرون بشكل بسيط،، وبعد مب اجباري تختلف قدرات الاطفال عن بعض
تودينهم الحضانة عشان الامان وتكوين علاقات اجتماعية وتعلم السلوك الاجتماعي والتعلم عن طريق اللعب وتعلم الاعتماد على النفس….الخ
الله أكبر كبيرا والحمد لله كثيرا وسبحان الله بكرة وأصيلا
الله أكبر كبيرا والحمد لله كثيرا وسبحان الله بكرة وأصيلا
