المدارس الخاصة

مرحبا بنات
من فترة وانا افكر اقدم على وظيفة في المدارس الخاصة
منها انشغل عن التربية وسوالفها ومنها اكتسب خبرة
منوه جربت تشتغل في مدرسة خاصة
ممكن تخبرنا عن تجربتها؟
واذا وحدة تعرف مدرسة خاصة في العين اقدر اقدم عندهم يا ريت تنصحني
والسموحة

والله انا من زمان افكر بعد..بس قالولي جربي اتصلي بالمدارس الخاصه وسألي وان شاء الله

على السنه اليايه احاول اسأل…الله يوفقج الغاليه…

أختي أنا أشتغل في مدرسة خاصة بصراحة حلو تشغلين وقتج وتكتسبين خبرة بدل يلست البيت

اختي انا قدمت في مدرسه خاصه وانتظر الرد والاتصال منهم
اختي بالعين انا قدمت في مدرسه توام النموذجيه وقدمت في مدرسه الصنوبر حتى استغربو انه مواطنه تبي تشتغل في التدريس عندهم سبحان الله امكن يكون لي ولج شغل عندهم يارب
وقدمت في مدرسه محمد بن خالد خاصه طبعا
وعسى خير وان شاء الله على بدايه الدراسه بقدم بعد
والله يوفقنا يارب

الله يوفقك ولكن المنافسة شديدة في الخاص تجلسين على اعصابج ولازم تثبتين وجودج.

مادري اقدم اوراقي عندهم الحين؟ ولا على بداية السنة اليديدة؟؟
اصلا هم مداومين؟؟؟
لاني اشوف دعايات في الجرايد حق التسجيل في المدارس الخاصة
شو رايكم؟؟

والله انا مثلج اشوف الاعلانات ومحتاره هل بعدهم مداومين ولالا؟؟
ياليت حد من الاخوات تساعدنا على الاقل نستثمر هالوقت ونشتغل من ناحيتي والله ودي اشتغل اليوم قبل باجر لانه الحاله الماديه اشوفها كل يوم تصعب اكثر واكثر
الله كريم
يارب فرج علينا يارب